BAS MÚFTI ALMATY ORTALYQ MEShITINDE AShYLǴAN KITAPHANAMEN TANYSTY (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Almaty Ortalyq meshitinde ashylǵan kitaphana jumysymen tanysty.

Úsh myńǵa jýyq kitap qory bar kitaphana jumysyn Almaty qalasynyń bas ımamy Tólebı Dádiluly baıandap ótti. Kitap sóreleri ult rýhanııatyna bereri mol QMDB «MUFTIYAT» baspasynan shyqqan eńbektermen tolyqtyrylǵan. Aqıda, Fıkh, Arab tili, Hadıs, Islam tarıhy men Alash zııalylary, kórkem ádebıet kitaptary men «Ihsan – rýhanı tárbıe negizi», «Tolyq adam», sondaı-aq dinı ádebıetterden bólek Astana qalasynda áıgili oıshyl Máshhúr Júsip Kópeıulynyń 165 jyldyǵyna oraı jaryq kórgen «Adam Júsipti «Máshhúr» qylǵan adamdyq jol...» bes tomdyq tańdamaly shyǵarmalar jınaǵy men Iassaýı jınaqtary kitap sóresine qoıylǵan.

«Qala ishinde Allaǵa eń unamdy jer – meshitter» dep máni men maǵynasy tereń aıtylǵan sózge súıensek almatylyq jamaǵat úshin meshit kitaphanasynyń paıdasy zor. Qurannyń alǵashqy aıaty da bilimge úndeıdi. Bilim – eki dúnıe baqytynyń kilti. Ult ustazy Ahmet Baıtursynuly: «Ulttyń ulaǵaty – mádenıette, mádenıettiń ulaǵaty – oqý men ádebıette», – degenindeı meshit qabyrǵasyndaǵy kitaphana jamaǵat ıgiligine qyzmet etý násip bolsyn» dedi Bas múftı Naýryzbaı qajy Taǵanuly.

Almaty qalasyna qarasty meshit ımamdary men ustazdary da kitaphana qorymen tanysty.