BAS MÚFTI ALMATY ORTALYQ MEShITINDE JUMA ÝAǴYZYN AITTY (FOTO)

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Almaty Ortalyq meshitinde juma ýaǵyzyn aıtty.

«Óz-ózderińdi óltirmeńder» taqyrybynda ýaǵyz aıtqan Bas múftı: «Ómir – adam balasyna berilgen basty qundylyq. Adam balasy Alla Taǵalanyń syılaǵan ǵumyrynyń ár sátin baǵalap, ony ózine izgi amaldar jasaýǵa berilgen múmkindik dep túsinýi qajet. Alla Taǵala qasıetti Qurannyń «Múlik» súresi, 2-aıatynda: «Ol sondaı Alla, qaısylaryń jaqsyraq amal jasaıtyndaryńdy synaý úshin ólim men ómirdi jaratty», – dep aıtqan.

Adam ǵumyry izgilikke toly ári uzaq bolǵandyǵy jaqsy. Ardaqty Paıǵambarymyz (oǵan Allanyń salaýaty men sálemi bolsyn): «Adamdardyń jaqsysy ómir jasy uzaq ári amaldary izgi bolǵandary», – degen (ımam Tırmızı). Pendege Jaratýshy tarapynan berilgen ǵumyrdy, ýaqyt merzimi jetkende Alla Taǵalanyń Ózi ǵana alýǵa haqyly. Sol sebepti de asyl dinimiz Islamda adamdardyń bir-birin óltirýi nemese adamnyń óz-ózine qol jumsaýy haram etilgen isterden dep tanylady. Tipti  keıbir Islam ǵulamalary ózin-ózi óltirý – bireýdi óltirýden de aýyr qylmys dep sanaıdy. Óz-ózine qol jumsaý týraly tikeleı aıat bolmasa da, qasıetti Quran aıattarynan sýıtsıdtiń Islam rýhyna jat ekendigi aıqyn kórinedi» dedi.

QMDB Tóraǵasy juma namazynan keıin meshit jamaǵatymen birge el amandyǵy men tynyshtyǵy úshin duǵa jasady.