Bas múftı Almatyda juma namazyn júrgizdi (FOTO)
Búgin QMDB Tóraǵasy, Bas múftı Naýryzbaı qajy Taǵanuly Almatydaǵy «Omar ıbn ál-Hattab» meshitinde juma namazyn júrgizdi.
Bas múftı kúnderdiń sultany jumada meshitke jınalǵan jamaǵatty kele jatqan Qurban aıt merekesimen quttyqtap, ulyq meıram jaıly ýaǵyz aıtty.
«Qurban aıt – ulyq mereke. Bul kúnderi renjisken adamdar tatýlasyp, jaǵdaıy jetken jan qurban shalyp, etin muqtaj adamdarǵa, aǵaıyn-týysyna bólip beredi, otbasyna da aýyz tıgizedi. Ókinishke qaraı eldegi pandemııa jaǵdaıyna baılanysty bıyl aıt namazy keıbir óńirlerde oqylmaýy múmkin. Qurban shalý rásimin ár aımaqtaǵy jaǵdaıdy eskere otyryp, onlaın jáne oflaın formatta ótkizý bekitildi. Barsha Qazaq elin mereke kúnderi qaýipsizdik sharalaryn saqtap, múmkindigine qaraı aıt namazyn oqyp, qurban shalýdy, onyń etin shyn nıetpen muqtajdarǵa taratyp, halqymyzdyń amandyǵy úshin duǵa jasaýǵa shaqyramyn. Alla Taǵala qurban shalýǵa degen nıetterińizdi qabyl etip, ulyq merekeniń bereketin násip etsin!» dedi Naýryzbaı qajy Taǵanuly.
Aıta keteıik, juma namazy sanıtarlyq talaptardy saqtaı otyryp, meshit aýlasynda jamaǵatpen oqyldy.
