BAS MÚFTI BALALARDY MEREKEMEN QUTTYQTADY (FOTO)

01 maýsym 2023 1428 0
Оqý rejımi

1 maýsym – Halyqaralyq balalardy qorǵaý kúnine oraı Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly erekshe qajettiligi bar búldirshinderdi merekemen quttyqtap, syı jasady.

QMDB «Zeket jáne qaıyrymdylyq» qorynyń uıymdastyrýymen Astanadaǵy «Balam-aı» kúndizgi kútim ortalyǵynda ótken ıgi sharada Bas múftı erekshe qajettiligi bar balalarmen jáne olardyń tárbıeshilerimen júzdesti. Ortalyq jumysymen tanysqan QMDB Tóraǵasy:

«Biz «Ómirge úmit syıla» jobasy aıasynda aýyr dertke shaldyqqan balalarǵa qoldaý kórsetip kelemiz. Balalarymyz – bizdiń bolashaǵymyz. Osyndaı taǵdyr taýqymetin erte tartqan baldyrǵandarǵa qarasyp otyrǵan ata-anasy jáne sizderdiń eńbekterińiz ólsheýsiz. Barshańyzǵa Alla razy bolsyn! Haq Taǵala balalarymyzdyń dertine shıpa berip, qulan-taza aıyǵyp ketýin násip etkeı» dep batasyn berdi.

Igi sharada Bas múftı bastamasymen ortalyqtyń suraýy boıynsha 50 kórpe-tósek, sondaı-aq 15 bızıbord pen balalardyń merekesine oraı táttiler úlestirildi. «Balam-aı» ortalyǵy ujymy da óz kezeginde Bas múftıge rızashylyǵyn bildirip, Qazaqstan musylmandary dinı basqarmasynyń «Zeket jáne qaıyrymdylyq» qoryna alǵys hat tabys etti.

Aıta keteıik, erekshe qajettiligi bar 220 balaǵa ońaltý jáne olarǵa áleýmettik qyzmet kórsetýmen aınalysatyn «Balam-aı» kúndizgi kútim ortalyǵynyń Astana qalasynda 5 bólimshesi bar. Ol «Zeket jáne qaıyrymdylyq» qorymen tyǵyz baılanysta jumys isteıtin elordadaǵy eń iri ońaltý ortalyqtarynyń biri sanalady.

Pіkіrler Kіrý