IMAMDAR FORÝMYNDA JAŃA KITAPTYŃ TUSAÝKESER RÁSIMI ÓTTI (FOTO)
Qazaqstan musylmandary dinı basqarmasynyń uıymdastyrýymen ótken V respýblıkalyq ımamdar forýmynda «Hanafı hadıs ádisnamasyna kirispe» kitaby tanystyryldy.
Jańa kitaptyń tusaýkeserine QMDB Tóraǵasy, Bas múftı Naýryzbaı qajy Taǵanuly arnaıy qatysty.
«Ózderińiz jaqsy bilesizder, qazir jastar arasynda kitap oqý úrdisi qalyptasyp keledi. Jalpy jurtshylyq tarapynan izgilik, ımandylyq, adamgershilik taqyrybynda jazylǵan kitaptarǵa degen suranys jyl saıyn artyp keledi.
Biz halqymyzdyń rýhanı suranysyn qanaǵattandyrý maqsatynda jyl saıyn tól baspamyz «MUFTIYAT» baspasynan rýhanı, dinı, motıvatsııalyq baǵytta, sonymen qatar dástúrimiz ben saltymyzdy dáripteıtin 20-dan astam kitap shyǵaryp, halyqqa meılinshe taratyp kelemiz. Maqsatymyz – dinı aǵartýshylyq baǵyttaǵy jumystarymyzdy jandandyrý.
Oqyrmanǵa jol tartyp otyrǵan qolymyzdaǵy jańa kitap – «Hanafı hadıs ádisnamasyna kirispe» hanafı mektebiniń sheńberinde osy ǵylymnyń zertteýine arnalǵan. Hadıs ýsýli jáne termınologııasy hadıs iliminiń kilti. Bul ilimniń qalyptasýyna Islam úmbetiniń uly ǵulamalary, hadısshiler, fıqh jáne ýsýlshi ǵalymdary óz septigin tıgizgen. Olar Paıǵambardyń (oǵan Allanyń salaýaty men sálemi bolsyn) súnnetine qyzmet etý maqsatynda aıanbaı eńbek etken.
Kitap avtory zertteýshi ǵalym Abdýlmájıd át-Týrkmánı hadıs ádisnamasy jáne termınologııasy salasyndaǵy shákirtterge arnaǵan osy «Kirispe» atty eńbegi arqyly ǵylym salasyna úlken úlesin tıgizdi. Jazǵan eńbegi – zamanaýı stılıstıka, logıkalyq rettilikpen jeńil jazylǵan. Sonymen qatar, baıyrǵy kitaptar men ǵulamalar qup kórgen senimdi ádebıetterdi paıdalanǵan. Uly Jaratýshy ıemiz baýyrymyzǵa osy eńbeginiń jemisin berip, qalamyna qýat darytqaı!» dedi Bas múftı.
Kitap ıslamtanýshylarǵa, medrese shákirtterine jáne jalpy oqyrmanǵa arnalǵan. Bul kitap «Talaba» qaýymdastyǵynyń Túrkııadaǵy jetekshisi Jandos Aıtbaıdyń uıymdastyrýymen aýdaryldy. Qazaq tiline aýdarǵan – ıslamtanýshy, dr. Ozat Shamshıev.
