«INABAT» QYZ-KELINShEKTER KLÝBY JALǴYZBASTY MUQTAJ ANAǴA ELEKTR PEShIN TARTÝ ETTI (FOTO)
QMDB Astana qalasynyń ókili, «Áziret Sultan» meshitiniń bas ımamy Erbolat Júsipovtyń basshylyǵymen múgedek balasyn asyrap otyrǵan jalǵyzbasty anaǵa Elektr peshi tartý etildi.
«Áziret Sultan» meshiti janyndaǵy «Inabat» qyz-kelinshekter klýbynyń uıymdastyrýymen atalmysh qaıyrly is «Balyq berme, qarmaq ber» támsili negizinde júzege asyp otyr. Atap aıtsaq, jaqyn mańdaǵy dúkenderge nan pisirip satyp, 6 jasar balasyn asyrap otyrǵan anaǵa synyp, jumysqa jaramsyz bolyp qalǵan eski peshiniń ornyna sý jańa pesh syıǵa berildi. Qala bas ımamy Erbolat Nuryldauly kómekke muqtaj ápkemizdiń qazirgi qal-jaǵdaıymen tanysyp, rýhanı demeý berip qaıtty. Sondaı-aq, tósekke tańylǵan búldirshinge Alladan shıpa tilep, arnaıy duǵa jasady. Qýanyshy ishine syımaǵan ápkemiz kóz jasyna erik berip, qala bas ımamy Erbolat Nuryldauly men áıelder jamaǵatyna óz alǵysy men rızashylyǵyn bildirdi.
Aıta keterligi, 2018 jyly negizi qalanǵan «Áziret Sultan» meshiti janyndaǵy «Inabat» qyz-kelinshekter klýby aı saıyn qaıyrymdylyq sharalarymen aınalysyp, áıelder jamaǵatynyń basyn biriktirip, ıgi isterge baýlyp keledi.
Sýretterdi «FOTOGALEREIa» aıdarynan kóre alasyzdar!
Источник: Aidos
