MEKTEP BITIRÝShI TÚLEKTERGE ARNALǴAN RÝHANI KEZDESÝ ÓTTI (FOTO+VIDEO)

02 maýsym 2023 1999 0
Оqý rejımi

Búgin jyldaǵy úrdis boıynsha «Áziret Sultan» meshitinde mektep bitirýshi túlekterge arnalǵan rýhanı kezdesý keshi ótti.  Kezdesýge Qalalyq bilim basqarmasynyń qoldaýymen elorda mektepterinen erikti túrde 1000-ǵa jýyq túlek qatysty. Altyn uıa mektep qabyrǵasynan túlep ushyp ómir aıdynyna qanat qaqqaly otyrǵan jas túlekterimizge  Bas múftı Naýryzbaı qajy Taǵanuly nasıhat aıtyp, qadamdaryna sáttilik tiledi. Qobaljyǵan bala kóńilderge senim bildirip, jas túlekterdi Otanymyzdyń ultjandy azamattary bolyp ósýge úndedi.

Úlken ómirge degen alǵashqy qadamdaryn Allanyń úıinen bastap, úlkenderdiń aq batasyn alýǵa asyqqan jas túlekterge Astana qalasy aqsaqaldar alqasynyń múshesi Erkin Táýeshuly, psıhologııa ǵylymynyń kandıdaty Almat Sábıtuly da nasıhat aıtyp, óz quttyqtaýlaryn bildirdi.

Sondaı-aq, oqýshylarǵa paıdaly keńester men jat aǵymnan saqtaný joldary kórsetilgen paraqshalar taratyldy.  Keshke qatysqan mektep muǵalimderi men ata-analar rýhanı keshtiń jan-jaqty paıdaly bolǵanyn aıtyp, alǵystaryn bildirýde.

Allanyń kálámy Quran aıattary oqylǵan rýhanı keshte QMDB Tóraǵasy mektep bitirýshilerdiń bolashaǵy jarqyn bolsyn dep duǵa etti.

Sýretter toptamasyn "FOTOGALEREIa" aıdarynan kóre alasyzdar!

 

 

Источник: Aidos

Pіkіrler Kіrý