MEShIT ShÁKIRTTERI EMTIHAN TAPSYRDY (FOTO)

Imandylyqtyń ordasyna aınalǵan «Áziret Sultan» meshitindegi áıel shákirtter arasynda Quran úırený sabaǵynan jyldyq qorytyndy emtıhan ótti.

Jyl boıy bilim alǵan 400 shákirtten aýyzsha,  barlyǵyna bir ýaqytta arnaıy emtıhan alyndy. Meshit ustazdarynyń shákirtteri arnaıy bekitilgen tártip boıynsha basqa ustaz aldynda óz bilimin kórsetti. Naqtyraq aıtsaq, bastaýysh tobyn bitirgen 96 shákirt «Muǵalim sánı» kitaby boıynsha ustaz aldynda emtıhan tapsyrsa, Tádjýıd erejelerin támamdaǵan 206 shákirt 30-paranyń súrelerin tádjýıd erejeleri boıynsha taldap berdi. Tashıh tobynyń 46 shákirti emtıhan alýshy ustazdyń qalaýymen Qurannyń kez kelgen jerin kórkem túrde oqý arqyly tapsyrdy jáne hıfz (quran jattaý) tobynyń 15 shákirti jyl boıy jattaǵan Quran aıattaryn jatqa oqýmen bıylǵy oqý jylyn sátti aıaqtady.

Emtıhan aıaqtalǵannan keıin olardyń barlyǵy qala bas ımamy Erbolat Nuryldaulynyń qolynan anyqtama qaǵazy men Quran kitabyn aldy. Dinı saýat ashý kýrsyna jaýapty ımam Omar Salımbekov oqý jylyn aıaqtaǵan shákirtterdi jetistikterimen quttyqtady.  Sondaı-aq, osynsha shákirtke bilim berip otyrǵan meshit ustazdary Elmıra Buqarbaeva, Ásel Qydyrmına, Zarına Jýkenova, Mýhlısa Saıdýlaqyzy men Tantıana Syshenkony da quttyqtap, din jolyndaǵy qyzmetterine sáttilik tiledi.

Aıta keteıik, Elordanyń tórindegi «Áziret Sultan» meshitinde osy jyly túrli bilim saıystary uıymdastyryldy. Er jáne áıel shákirtter Quran saıysy, aqıda, fıqh pánderi boıynsha túrli emtıhandar tapsyryp, óz bilimderin jetildirip keledi. Jyldan jylǵa meshit shákirtteriniń de qatary artyp keledi.

Sýretter toptamasyn FOTOGALEREIa aıdarynan kóre alasyzdar!

Источник: Aidos