NÁÝBETTI JYLDARDAN SABAQ ALATYN SÁT

31 mamyr 2023 1362 0
Оqý rejımi

Naýryzbaı qajy TAǴANULY,

Qazaqstan musylmandary dinı
basqarmasynyń tóraǵasy, Bas múftı
  

Qurmetti qaýym!
 

Halqymyz 31 mamyr kúni saıası qýǵyn-súrgin jáne asharshylyq qurbandaryn eske alyp, bozdaqtardyń rýhyna qasıetti Quran aıattaryn baǵyshtaıdy. Bul – zulmat zaman men zobalań náýbetti jyldardan sabaq alatyn sát.

Talaı taýqymet pen zulmat zamandy kórgen ultymyz syndarly sátterde rýhyn túsirmeı, yntymaǵyn ydyratpaı, táýelsiz el bolýǵa umtyldy. Allaǵa shúkir, keshegi babalarymyzdyń ańsaǵan armany búgin shyndyqqa aınaldy.

Búginde elimizde Memleket basshysy Qasym-Jomart Toqeavtyń bastamasymen zulymdyqtyń qurbany bolǵan azamattardy tolyq aqtaý, olarǵa qatysty tarıhı ádildikti qalpyna keltirý jumystary qarqyndy júrýde. Qýǵyn-súrgin qurbandaryn tolyq aqtaý baǵytyndaǵy saýapty iske din qyzmetkerleri de orasan úles qosyp keledi.

Búgin elimizdegi din qyzmetkerleri azaly kúnderde ajal qushqan ata-babalarymyzdyń rýhyna arnaıy Quran aıatyn baǵyshtap, duǵa jasaýda. Jaratýshy Iemiz izgi nıetimiz ben ıgi amalymyzdy qabyl etkeı. Alla Taǵala bozdaqtarymyzdy panasyna alyp, rýhyn shat etkeı. Ámın.

Pіkіrler Kіrý