«Qurban aıtta qýandyr» jobasy balalar úıinde jalǵasty (FOTO)

Respýblıkalyq «Áziret Sultan» meshiti uıymdastyrǵan «Qurban aıtta qýandyr» jobasynyń kelesi sharasy Astana qalasyndaǵy «SOS balalar úıinde» jalǵasyn tapty. Balalar qalashyǵyndaǵy 12 úıge «Áziret Sultan» meshitiniń birinshi naıb ımamy Qanat Qydyrmın bastaǵan top arnaıy quttyqtap, Qurban aıt syılyqtaryn úlestirdi.

Jyl saıyn járdem qolyn sozyp, qaıyrymdylyq sharalarynan qaldyrmaıtyn Bas meshit qyzmetkerlerin balalar da birden tanyp, qýanyshtan jamyraı jóneldi. Oqý-óner salasyndaǵy jetken jetistikterimen bólisip, máre-sáre bolǵan balalar júzindegi qýanysh-kúlki búgin shynymen de ulyq mereke ekenin sezindirip, meshit qyzmetkerleriniń de mereıin tasyta tústi.

Sýretterdi «FOTOGALEREIa» aıdarynan kóre alasyzdar!