TÚRKIIaNYŃ «HASEKI» INSTITÝTYNA QABYLDAÝ EMTIHANY BASTALDY (FOTO)

Qazaqstan musylmandary dinı basqarmasy men Túrkııa din ister basqarmasy arasyndaǵy kelisimge oraı elordada 2023-2024 oqý jylyna «Hasekı» ınstıtýtyna qabyldaý emtıhany bastaldy.

Aldymen májilis zalynda QMDB Tóraǵasynyń orynbasary, naıb múftı Ershat Aǵybaıuly talapkerlerge Túrkııa elinen emtıhan qabyldaý úshin arnaıy kelgen Din isteri basqarmasy Tóraǵasynyń orynbasary Kadır Dınch, Dııanet akademııasy prezıdenti Enver Osman Kaan, Dinı basqarmanyń shet elderde dinı bilim berý departamenti basshysy, Dýrsýn Alı Joshkýndy jáne Túrkııanyń Astana qalasyndaǵy elshiliginiń din isteri jónindegi keńesshisi Neshet Bodýrdy tanystyryp, emtıhannyń sátti ótýine tilektestigin bildirdi.

Bıyl elimizden Túrkııanyń «Hasekı» ınstıtýtyna QMDB-ǵa qarasty oqý oryndaryn bitirgen 65 úmitker qujat tapsyrdy. Qabyldaý emtıhany 2 kúnge sozylatynyn aıta ketken jón.