«AQ MESHIT» МЕШІТІ СТУДЕНТТЕРГЕ АУЫЗАШАР ҚОРАПТАРЫН ТАРАТТЫ (ФОТО)

«Aq meshit» мешітінің бас имамы Дәурен Муслимов пен мешіт жамағатының ұйымдастыруымен колледж жатақханасындағы студенттерге ауызашар бокстары үлестірілді.

Іс-шара барысында жастарға Рамазан айының қадір-қасиеті, тәрбиелік мәні және оразаның рухани пайдасы жайында тағылымды әңгіме айтылды. Студенттерге ықыласпен дайындалған ауызашар тағамдары таратылып, ақжарма тілектер айтылды.

Пайғамбарымыз (ﷺ) айтқан: «Кімде-кім ораза ұстаған адамға ауыз аштырса, оған да сондай сауап жазылады» (Тирмизи).

Дереккөз: ҚМДБ Астана қаласы өкілдігінің баспасөз қызметі