«АР-РАХМАН» МЕШІТІНДЕ «МЕКТЕПКЕ ЖОЛ» ҚАЙЫРЫМДЫЛЫҚ АКЦИЯСЫ ӨТТІ (ФОТО)

27 тамыз 2025 1069 0 Оқу режимі

Астана қаласындағы «Ар-Рахман» мешітінде Республикалық «Мектепке жол» қайырымдылық акциясы жалғасып, 100 балаға сөмкелер мен оқу құралдары табысталды.

Іс-шараға ҚМДБ «Зекет және қайырымдылық» қорының директоры Мақсатбек Қайырғалиев, Астана қаласының және «Әзірет Сұлтан» мешітінің Бас имамы Ерболат Жүсіпов және басқа да қызметкерлер қатысты.

Игі іс-шара барысында көп балалы және мұқтаж отбасылардың балалары мектепке қажетті жабдықтармен қамтылып, жаңа оқу жылына үлкен демеу болды. Бұл қолдау балаларға қуаныш сыйлап, мешіт ұжымы ата-аналардың алғысына бөленді.

Айта кетейік, жыл сайын ҚМДБ төрағасы, Бас мүфти Наурызбай қажы Тағанұлының бастамасымен республика бойынша барлық мешіттерде дәстүрлі «Мектепке жол» қайырымдылық акциясы өткізіліп келеді. Оның мақсаты – әлеуметтік жағдайы төмен, көп балалы отбасылар мен жетім балаларға жаңа оқу жылына дайындық кезеңінде қолдау көрсету және мектепке баруына кедергі болатын жағдайлардың алдын алу.

Суреттерді толығырақ «ФОТОГАЛЕРЕЯ» айдарынан көре аласыздар!