ҮЙІҢІЗГЕ ҚОНАҚ КЕЛГЕН КЕЗДЕ...
Үйіңізге қонақ келген кезде, сол үйдегі барлық игіліктер мен артықшылықтарды түгелдей көрсетуге тырыспаңыз.
Қонақ келген сәтте сіз де, жұбайыңыз да өзара ресми әрі ұстамды қарым-қатынаста болыңыздар. Бір-біріңізге деген құрметті сақтаңыздар, алайда жағдайдан тыс артық еркелік пен шамадан тыс жақындық көрсетуден сақ болған жөн.
Қонақ келгенде, оны қонақтарға арналған арнайы орынға (қонақ бөлмесіне) отырғызып, үйдің ішкі, жеке тіршілігіне қатысты жайттардың ашылып кетпеуін қадағалаңыз.
Қонаққа құрмет көрсетіңіз, бірақ бұл құрмет отбасының ішкі ісіне араласуға немесе отбасылық мәселелерге пікір айтуға жол ашпауы тиіс.
Қонақтың өз балалары жайлы айтқан әрбір сөзіне сене бермеңіз, сол арқылы өз балаларыңызға ашуланып, олармен салыстыру жасап, әділетсіздікке барудан сақ болыңыз.
Қонақ келгенде, қолыңызда бар ең жақсы дүниені ұсыныңыз, алайда оны өз мүмкіндігіңізден асырып, қарызға батып, әуре-сарсаңға түспеңіз.
Қонақтан оның жұбайымен қарым-қатынасы жайлы сұраудан сақ болыңыз, өйткені бұл сіздің де отбасылық қарым-қатынасыңызға қатысты сұрақтардың қойылуына себеп болуы мүмкін.
Үйіңізге келген қонақты таңғалдыру үшін үйдегі барлық сән-салтанатты, әсемдікті түгелдей көрсетіп, бар игілігіңізді жайып салуға міндетті емессіз.
Қонаққа қатысты мына үш мәселеде шектеу қойған жөн:
1. Жұбайыңыздың жеке бөлмесіне кіруіне;
2. Үйдің ішінде еркін жүріп-тұруына;
3. Отбасыңызға берілген нығметтерді асыра көрсетіп көрсетуге (жұбайыңызбен шектен тыс үйлесім, балаларыңыздың ақылдылығы, сұлулығы, тәртібі, жетістіктері мен марапаттары).
Кей жағдайда отбасындағы берекенің азаюы, қарым-қатынастың әлсіреуі, түрлі тұрмыстық қиындықтардың туындауы — қонақтарға шектен тыс ашық болып, отбасының жеке өмірі мен игіліктерін орынсыз көрсету салдарынан да орын алуы мүмкін. Сондықтан әрбір үй иесі өз отбасының тыныштығы мен үйлесімін сақтау үшін өлшем мен сақтықты ұстанғаны абзал.
