BILIM MEN MINEZDIŃ QAISYSY MAŃYZDY?

09 qańtar 2025 563 0
Оqý rejımi

Qazir bilimdi adam kóp, minezdi adam az.

El basqarý úshin BILIM MEN MINEZ-diń qaısysy mańyzdy?

Bir patsha danyshpan ýázirinen:

- «Bilim men minezdiń qaısysy mańyzdy?» dep surapty. Danyshpan ýáziri:

- «Minez» depti.

Bilimniń kúshine senetin Patsha jurtqa:

«Kim haıýanǵa bilim úıretse 100 altyn beremin» dep jar salypty.

Sonda bir adam kelipti. Patsha:

- «Adamdarǵa qyzmet etýdi mysyqqa qansha ýaqytta úıretesiń?» depti. Sonda álgi adam 6 aıda úıretemin depti.

Sonymen 6 aı ótkende patsha ýázirlerin jınap, álgi adam úıretken mysyqty aldyrypty. Mysyq ýázirlerge as usynyp, qyzmet etipti.

Sol kezde Patsha qasynda otyrǵan danyshpan ýázirine:

- «Bilim men minezdiń qaısysy mańyzdy?» depti.

Sonda ýázir eteginiń astynda jasyryp otyrǵan tyshqandy jibere qoıypty. Tyshqan zý etip júgirgende qyzmet etip turǵan mysyq qolyndaǵy asty tastaı salyp, tyshqandy qýyp ketipti. As shashylyp jaıynda qalypty. Osylaısha 6 aılyq bilim dep iske jaramaı qalypty.

Sonda ýázir:

- «Mártebeli patsham! Minez mańyzdy. Bilimi bar, biraq minezi joq, harakteri tómen adamdar tyshqandy kóre sala mindetin umytyp ketken mysyq sııaqty, qandaı bir múmkindigi bolǵan kezde jeke paıda-múdde kózdep, qalaý-qumarlyǵynyń artynan ketedi, tipti otanyn da satyp ketedi» depti.

Jolaman BULAN

Pіkіrler Kіrý