DIN JÁNE SPORT

19 sáýіr 2024 577 0
Оqý rejımi

Jaqynda áleýmettik jelide sportshy qyzdyń (MMA) boıynsha sporttan bas tartqandyǵyn buǵan óziniń «ıslamǵa» kelýi sebep ekendigin aıtqan vıdeosy jarııalandy. Osy jaǵdaıǵa baılanysty qoǵamda talqylaýlar bastalyp ta ketti. Keıbiri ony qoldap jatsa ekinshi bireýler synap jatyr. Salqynqandylyqpen qaraıtyn bolsaq, bizdiń qoǵamda eki jaqqa bólinip, bir-birin kinálaý úrdisi jelilerden jıi kórinis taýyp keledi. Orta baǵytty ustaný kemshil bolyp jatady. Olaı deıtinimiz, maqtaýda da dattaýda da shekten shyǵyp ketýge boı úırenip qaldy ǵoı. Biraq, dini úshin aınalysyp júrgen sport túrinen, otbasynan, elinen, otanynan bas tartqandardy kórip bul máselege beı-jaı qaraý durys emes.

Islamnyń sportshylar arasynda tez taralýyna kóbinese dinniń kompensatorlyq (jubatýshylyq), psıhologııalyq fýnktsııasy áser etedi deımiz ǵoı. Iaǵnı, qazaqtaǵy mańdaıyńa ne jazylsa sol bolady, buıyrǵan ketpeıdi, júgirgen jetpeıdi degen maqaldar bar ǵoı. Týra sol. Ekinshi jaǵynan sport salasynda saıys, jarys qoı únemi. Árbir oıyn aldynda rýhanı tilek, kómek qajettiligin de sportshylar kóbirek sezinse kerek.

Buǵan radıkaldy toptardyń sanaly túrde sportshylar arasynda dinı kózqarastaryn taratý talpynysyn qossaq, al sport salasynda oqýǵa, rýhanı damýǵa ýaqyt bolmaıtyndyǵyn, mektep jasynan bastap sportqa ketken jastardyń oqýǵa yntasynyń azaıatyndyǵyn eskersek radıkaldy toptardyń qarmaǵyna tez ilinetindiginiń sebebin ashýǵa bolady. Sondaı-aq radıkaldy aǵym kózqarastary bir salaǵa nemese bir ujymǵa kire bastasa sol ortada taralý qarqyny da joǵary bolady. Ásirese sportshylar kóp ýaqyttaryn daıyndyq barysynda birge ótkizedi. Birtindep qasyndaǵy joldastaryn tartý qıynǵa soqpaıdy.

Al negizgi másele sportshylar arasynda rýhanı qajettilik qalaı, olardyń psıhologııalyq qajettilikteri qalaı qamtamasyz etilýde degen saýaldarǵa jaýap tabý ońaı emes. Sondyqtan da bir sportshy teris aǵymǵa kirse, (qazir bizde kúres, jekpe-jek, basqa ta baǵyttar boıynsha salafıttik-ýahhabılik kózqaras keńinen taralýda) ulttyq ıdeologııanyń, rýhanı tárbıeniń aqsap turǵandyǵynan.

Tobyqtaı túıinin aıtsaq, sport eń aldymen óner, mádenıet. Bizde ony kúshtiniń kórsetkishi, maqtannyń maqsaty retinde taný basym. Eń aldymen sportshy óz eliniń patrıoty bolýy tıis. Ánuranǵa tolqymaıtyn, baıraǵyna bas ımeıtin, qolyn kókiregine qoıýdy shırk sanaıtyndardyń sanynyń artýy oılandyrýy qajet. Al qazaqy-musylmanshylyq pen ımandylyq sportqa kedergi dep daýryǵý da din dushpandyǵynan basqa eshteńe emes.

Kenshilik Tyshkhanuly

 

Pіkіrler Kіrý