DÚNIE – PÁNI, AQYRET – MÁŃGI-BAQI
Musylman balasy dúnıede túrli qaıǵy, qıynshylyqqa tap bolsa da, olardyń ótkinshi ári hıkmetke saı bolatynyn oılap úmitsizdikke berilmeýi jáne ýaıym-zarǵa túspeýi kerek. Negizgi aqyret baqytyn buıyrtatyn sebepterge umtylyp, sonymen kóńilin toq ustap ómir súrýge tıis. Áıtpese dúnıe de, dúnııaýı barlyq ta pánı. Adam ózin ǵapyldyqqa túsiretin, uly maqsattan taıdyratyn pánı nárseler úshin máńgilik baqytyna sebep bolatyn mindetterinen qol úzbeýi qajet.
Dúnıe bireýge máńgilik turaqtaıtyn bolsa, Paıǵambarymyz (s.a.ý.) dúnıede máńgi-baqı qalar edi. Onyń ózine baqı bolmaǵan dúnıeniń basqalarǵa máńgilik, turaqty bolýy múmkin be? Sol sebepti adamdar aqyrettik ómirin ádemilep ázirleý úshin dúnıede moıyndaryna júktelgen qulshylyq mindetterin atqaryp, máńgilik álemde turaqty Ilahı nyǵmetterge qol jetkizý úshin talaptanýy kerek, ýaqytyn bekerge zaıa ketirmeýge tıis.
Qarym men jazalardyń tolyq ári kemel túrde oryn alatyn jeri – aqyret. Keıbireýler dúnıede-aq keı amaldarynyń bir bólik qarymyn nemese jazasyn kóredi. Alaıda bular ótkinshi, pánı, jetkilikti emes. Kóbine adamdar amaldarynyń qarymyn dúnıede kórmeıdi.
Máselen, bir sheıit janyn qııady jáne munyń qarymyn dúnıede ózi kóre almaıdy. Bir kúnáhar da jarııa bolmaı istegen qylmysynyń jazasyn myna dúnıede tartpaýy múmkin. Áıtkenmen negizgi qarym men jaza aqyret áleminde, ol jerde árkim ózine laıyqty qarym men jazany kóredi. Shynynda ómirden ótkender de qabirinde ózinshe qarym men jazasyn tartady. Qabir olar úshin Jánnat baǵynyń bir buryshy nemese jahannam shuńqyrlarynyń biri bolady. Degenmen bular da ózinshe bir qarym. Jaza men qarymnyń tolyq kórinýi qııamet kúninen bastalady.
Sol sebepti dúnııaýı ýaıymǵa berilip basty máńgilik ómir álemindegi shynaıy salaýat pen baqytqa jetýdiń qamyn jasap, sonymen jubanyp ojdan tynyshtyǵyn tapqan jón.
Ýaıym emes óter dúnıe, qalar din
Ýaıym sol kimde qalar dúnıe, óter din
