HELLOÝIN – ADASÝDYŃ BIR BELGISI
Qazan aıynyń sońynda Helloýın deıtin usqynsyz bir merekesymaqtyń bolatynyn aıtyp keıbir jurttar shýlap jatady. Ol qaıdan shyqty dersiz? Musylmandarǵa tán merekesi emes ekendigi anyq nárse. Onda hrıstıandardan shyqqan bolar? Joq, olaı emes eken. Hrıstıandardyń ózi bul merekeni estigende tóbe shashtary tik turatyn kórinedi. Kerek deseńiz, bul kúndi «azap kúni» dep sanaıdy eken olar. Bul jaıynda Soltústik Amerıkanyń ıslam qoǵamynyń burynǵy prezıdenti, doktor Mýzammıl Syddyq bylaı deıdi:
«Bul meıram keltterdiń (ındoevropalyq tek) rýhtardy shaqyratyn yrymdarynyń biri. Keıinnen hrıstıan shirkeýleri buny «Barlyq qasıetti nárselerdiń kúni» (bul kúni batystyq shirkeýlerde ólilerdi eske alý kúni) dep atap, ózgertkisi keldi. Bir anyǵy, kóptegen hrıstıandar osy ýaqytqa deıin bul nársege túbegeıli qarsy shyǵyp, toılamaǵan. Ony tipti, heilday (azap kúni) dep ataǵan».
«Hrıstıandar bul meıramdy qabyldasyn-qabyldamasyn, biz musylmandar buny qabyldaı almaımyz. Úlken kólemdegi asqabaqtardy bekerge ysyrap qylyp, úıdi «jyn» sekildi bezendirip qoıý aqylǵa qonbaıtyn nárse. Aqyl toqtatqan kisilerdiń saıqymazaq sekildi júretinderine tańym bar. Sońǵy kezderi bul qorqynyshty bolyp bara jatyr. Adamdar kádimgideı túrli qubyjyq kúıge enip, jan-tánimen beriletindi shyǵardy. Musylmandar bulardyń qatarynda bolmaýy kerek».
Bastysy bul batystyń merekesi. Ár jyldy qazan aıynyń 31 kúni keshke bastalady. Qarap tursań, bul áreketter drýıdterdiń (kelt halyqtary) jańa jylyn eske túsiredi. Sebebi, olar sol kezde ólgender úılerdi aralaıdy dep senedi-mys. Bul kez asqabaqtardyń pisetin mezgili. Helloýınniń kesirinen sol asqabaqtar ár úıdiń qazanynan emes, ár eldiń qoqys jáshiginen tabylady. Nege deseńiz, bútin asqabaqty oıyp, ishine sham jaǵyp qoıady. Helloýınniń basty belgisi de osy.
Helloýın – adasýdyń bir belgisi. Kópqudaıshylyqty nasıhattaıdy. Musylmandarǵa bul merekeni toılaýǵa bolmaıdy. Jalpy, esi durys adamnyń bul merekeni unata qoıýy ekitalaı. Bir qynjyltatyny, áli onsha tanyla qoımaǵan osy meıramdy adamdar kóp jınalatyn oıyn-saýyq, saýda ortalyqtarynda, t.b. oryndarda sholaq belsendiler nasıhattap jatady. Erikken keıbir jastarymyzdyń buǵan esi ketip, hElloýınniń janqııar qoldaýshysyna aınalýy ǵajap emes.
Helloýın degen jat merekeni jaqyndatyp abyroı tappaımyz! Jyn-oınaqqa jaqyn bul meıramǵa úles qosyp qadirimizdi ketirmeıik!
