Olar kápir emes qoı!

07 qyrkúıek 2020 5223 0
Оqý rejımi

Ábý Bákirqyzy (r.a) Asmadan kelgen hadıste bylaı delingen: «Quraıyshtardyń zamany ústem bolyp turǵan ýaqytta maǵan sheshem keldi. Sheshem múshirıka, ıaǵnı kápir edi. Júgirip Paıǵambarymyzdyń (s.ǵ.s.) aldyna keldim. Keldim de: «Iá, Allanyń elshisi, sheshem keldi jáne ol ıslamǵa qarsy. Týysqandyq qarym-qatynasymdy úzeıin be, álde jalǵaıyn ba?» – dedim. Paıǵambarymyz (s.ǵ.s.): «Iá, jalǵa», – dep jaýap berdi».[1] 

Al, endi sol Paıǵambarymyzdyń (s.ǵ.s.) parasaty qaıda búgin?  Islamnyń tálimi qaıda, búgingi musylmannyń din ustanymy qaıda?! Basynda jaýlyǵy joq bolǵanymenen, júreginde Allany bilip, tilinde kálımasyn saqtaǵan anaǵa búgingi jat ıslam jastary «kápirsiń» dep kiná taǵyp, óz anasynyń qolynan pisken asty tatpaı júr. Biraq, olar kápir emes qoı! Ol kategorııaǵa jatpaıdy ǵoı olar! Dinimizde kápirdiń ózine kápir dep aıtylmaıdy. Qaıdan bilesiń, erteń-aq ıman keltirip musylmanǵa aınalatyn shyǵar.

Odan soraqysy, musylman bolǵanymen bes ýaqyt namazy joq ata-anasymen múldem qarym-qatynasyn úzip, shalǵaıdaǵy jat aǵymdyq búlikshilerge  qosylyp jatyr.  Al endi, aýzynan shyqqan sóziniń sadaqasy bolaıyn, Paıǵambarymyz (s.ǵ.s.) ne aıtady?!

Kápir bolǵan jáne ıslamǵa qarsylyq tanytqan sheshesi jaıly Asmaǵa: «Iá, qarym-qatynasyńdy jalǵa», - dep buıryqpen jaýap beredi. Islam, tipti kápir áke-sheshemenen qarym-qatynasty kórkem túrde jalǵaýdy ámir etedi. 

Áı, qazaqtyń jastary! Islam qanyna sińgen, júregine ıman uıalaǵan, Allany jadynan shyǵarmaǵan beıshara áke-shesheńdi qalaı dattaısyń?!

Allanyń ámiri, Paıǵambardyń ósıeti jáne seniń amalyń. Óz isińe oı júgirt!

Aıbek Omar

 

[1] Býharı jáne Mýslım rıýaıat etken

Pіkіrler Kіrý