ShYNAIY BOL…
Kezinde Ystambul qalasyndaǵy úlken meshitke ımam bolý úshin kem degende on bes túrli bilim, sondaı-aq atqa minip, qylyshtasý ónerin, sheshendik ónerin jaqsy meńgergen bolý kerek eken. Iaǵnı, Súleımanııa sııaqty meshitke ımam bolý talaby osyndaı bolypty. Sondaı talaptan ótken jas ımam meshitte juma namazyn ótkizip, sol zamannyń taqýa ǵulamasynan:
– Sheıh, men qalaı juma ótkizdim? Ýaǵyzym durys boldy ma? – dep suraıdy. Ǵulama:
«Baýyrym, ýaǵyzdy keremet aıttyń. Biraq, qýrap qalǵan talǵa, jasandy japyraqtar baılap qoıǵandaı boldy» dep jaýap beripti. Ǵulamanyń bulaı dep aıtqan sebebi, ol ımam elge ýaǵyz aıtyp turǵanymen, ózinde osy sıpattar bolmaǵanyn meńzegen edi.
Alla Taǵala Quranda: «Áı múminder! Istemeıtin isterińdi nege aıtasyńdar» dep buıyrǵan.(Saff: 2)
Al, áıgili Ábý Hanıfanyń (Alla ony rahymyna bólesin) basynan ótken oqıǵany barshamyz bilemiz. Bir adam balasyn ertip, ımamǵa kelip:
– Qurmetti sheıh! Balam baldy óte kóp jeıdi. Sony osy ádetinen aryltyp berseńiz, jaqsy bolar edi, – dep ótinedi. Imam Ábý Hanıfa (Alla ony rahymyna bólesin) qyryq kúnnen keıin kelsin dep tapsyrady. Ýádelesken kúni aldyna kelse, ımam:
«Balam, baldy kóp jeme» dep aıtypty. Balanyń ákesi:
«Qurmetti sheıh, osy sózdi aıtý úshin nege qyryq kún kúttirdińiz? Anaý joly aıtsańyz bolmas pa edi?» dep suraıdy. Sonda Ábý Hanıfa (Alla ony rahymyna bólesin):
«Men ózim baldy óte jaqsy kórip, óte kóp jeıtin edim. Sizdiń balańyzdy toqtatý úshin ózim qyryq kún boıy baldan shekteldim.Sondyqtan ǵana meniń sózderim oǵan áser etti» dep jaýap beredi.
Sondyqtan árbir musylman adam bireýdi jaqsy amalǵa shaqyrmas buryn ózi soǵan amal jasaǵany durys bolady. Alla Taǵala barshamyzdy sózi men isi bir jerden shyqqan musylmandardan bolýǵa jazsyn!
Qýat QABDOLDA
