TAQÝALYQTY DURYS TÚSINIP JÚRMIZ BE?

15 aqpan 2023 2083 0
Оqý rejımi

Ertede bir jigittiń úıine tyshqandar qaptap ketipti. Ashýlanyp, yzalanyp tyshqandardy qýyp júrgen kezde, kenetten úıge dosy kelip, qurdasynyń osy bir yzaly túrin kóredi de:

– Sen ne úshin mysyq asyrap almaısyń? - deıdi.

Sonda áli jigit:

– Meniń mysyq asyrap alýǵa kúsh - qudiretim jetedi, biraq, myna tyshqandar mysyqtyń ıisin sezip, kórshimniń úıine ótip kete me dep qorqamyn, - degen eken.

Biz keıde taqýalyqty kóp kitap oqý, ádemi sóıleý, kóp qulshylyq qylý, jupyny kıiný dep oılaımyz. Alaıda adamdarmen mámile jasaǵan ýaqytta murynymyzdy aspanǵa shúıiremiz. Kisi aqysyna kirip ketýden saqtanbaımyz.  

Ábý hýraıra bir jigittiń taqýalyq jaıly suraǵyna suraqpen jaýap bergen:

– Sen tikendi joldy kórgensiń be?

– Iá, - dep jaýap beredi álgi jigit.

– Sol sátte ne isteıtin ediń?

– Eger tikendi kórgen bolsam, aıaǵyma kirip ketpesin dep ári - beri qashqaptap júretin edim, - deıdi. Sol sátte Ábý hýraıra:

– Mine taqýalyq degen osy, - dep sózin aıaqtaǵan eken.

Baıqaǵanymyzdaı taqýalyq bizdiń barlyq isimizge aralasady. Osy sebepten de Paıǵambarymyz «Qaıda bolsań da Alladan qoryq!» deıdi.[1]

Qazirgi kúni qoǵamda musylmandyqtyń dárejesi tómen túsip barady. Sebebi, bilimsiz taqýalyqqa umtylyp, qurǵaq amalmen aldanyp qaldyq. Osydan bolar keıbir adamdardyń musylmandarǵa degen ókpesi qara qazandaı. Biz japyraǵy jaıqalǵan, butaǵy qatty, tamyry tereń aǵash sekildi bolýymyz kerek. Bul aǵashqa qarǵa da, qarlyǵash ta qonady. Bul aǵash ekeýiniń de qajetinde bolady. Qoǵamda sol sekildi jaqsy da bar, jaman da bar...

Sahabalar Paıǵambarymyzdyń aınalasyna ne sebepti jınaldy?

Sebebi, ol kisi óte kórkem minezdi, adal, janashyr edi. Tipti Mekkedegi múshirikterdiń ózi ol kisge ıman keltirmese de zattaryn amanatqa tastap ketetin. Paıǵambarymyz da kisi aqysyn joǵary qoıyp, amanatqa  qııanat jasamady. Osynaý taqýalyqtyn úlgisin kórsete bilgen paıǵambardan ne úshin ónege almasqa?!

Joldy Shalqar,

"Áziret Sultan" meshitiniń ustazy

 

[1] Termızı

Pіkіrler Kіrý