Táýekel túbi - jelqaıyq

23 qańtar 2021 6449 0
Оqý rejımi

Búginde ózine senimsiz, bolashaǵyn bulyńǵyr kóretin baýyrlarǵa dinı keńes usynǵym kelip otyr. Bul keńester meniń emes, Quran men hadıstiń keńesteri. Al endeshe, kettik. Hazret Omar (r.a.): «Sender Haq Taǵalaǵa shynaıy da, laıyqty túrde táýekel eter bolsańdar, qustaı rızyqqa keneler edińder. Qus uıasynan tańerteń jemsaýy bos bop ushyp shyǵyp, keshke toltyryp qaıtyp keledi[1]», - degen rıýaıat jetkizedi.

 Iman

Quran Kárimde: «Alla kókiregin Islamǵa ashqan bireý, mine sol Rabbysynan berilgen nur ústinde, al Allany eske alýdan júrekteri qatyp qalǵandarǵa úlken qasiret bar! Mine, solar anyq adasýda[2]», - dep barlyq nárse Allanyń qalaýymen bolady, árnárse Onyń ámirine boıusynady degen kámil ıman adam boıyna úlken kúsh-qýat beredi. Sonymen birge, qıyndyqqa moıymaýǵa jáne eńsesi túspeýge beıim etedi. Al, ımannan alys adamnyń jaǵdaıy jaıly: «Al, kim Meniń eske salýym Qurannan teris burylsa, oǵan tar ómir bolady, ári qaıta tirilý kúni ony soqyr kúıde tiriltemiz[3]», - dep aıtylǵan.

 Táýekel

Táýekel túbi jelqaıyq ótesiń de ketesiń demekshi, Ibrahımdi (ǵ.s.) Qudaıdan bezgender otqa laqtyrǵan kezde, paıǵambar: «Bizge Alla jetedi, Ol netken ǵajap Kepil bolýshy», - dep nartáýekel etti. Alla Taǵala da laýlap jalyndap turǵan otty paıǵambarǵa salqyn da zııansyz etti. Siz de ómir otyna osy duǵany aıtyp kirińiz.

 Sabyr

Ómir kúres. Kúreste qaısar men tabandy adamdar ǵana jeńiske jetedi. Árıne, jerde otyrǵan jyǵylmaıdy, sondyqtan eshbir jetistikke jetpegen adamǵa eshkim óshige qoımaıdy. Al, muraty bıik, maqsaty úlken adamnyń jaýy da kóp. Ár sátte aıaqtan shalýǵa daıyn ishi tar beısharalar bolady. Mundaılar jeńisińe ishi kúıip, súrine ketseń jan-tánimen qýanady. Sebebi, sen olardyń aldynda eshqashan keshirilmeıtin kúná jasadyń. Sen jetistikke jettiń. Seniń maqsatyń ishi tarlarmen kúres emes, sony umytpa. Árbir úrgen ıtke tas laqtyra berseń, jerde tas qalmaıdy. Seniń muratyń aldyńa qoıǵan belesterdi baǵyndyrý. Sondyqtan, eńseńdi tik ustap, tek aldyǵa umtyl. Kóńilińde ýaıym-qaıǵyǵa eshbir oryn berme.

 Udaıylyq

Quran Kárimde: «Er nemese áıelden kim ımandy bolǵan kúıde izgi amal istese, onda ony jaqsy ómirmen jandandyramyz. Ári olardyń syıyn istegen amaldarynan artyq etip qaıtaramyz[4]», - degen aıat jaqsylyq isteýden sharshamaýǵa jáne izgilikti ómirlik myzǵymaı ádetke aınaldyrýǵa úndeıdi. Siz de, kóńildiń kiri ispetti ýaıymdy jaqsylyq jasaýmen jýyp shaıyp tastańyz.

Al, endi myna hadıske qarańyz, Paıǵambarymyz (s.ǵ.s.): «Kisi úıinen shyqqan kezde: bısmılla, táýákkaltý ǵalá Alla, lá haýlá ýá lá qýýatá ıllá bıllah» (maǵynasy: Allanyń atymen shyqtym, Allaǵa táýekel ettim. Kúsh-qýat berýshi jáne aıla-sharǵydan qutqarýshy tek Alla) dese, sonda perishteler: týra jolǵa túsirildiń, barlyq nárse saǵan jetkilikti boldy hám árnárseden qorǵaldyń»,-deıdi de onyń mańaıyndaǵy shaıtandar alystaı túsedi. Sonda bir shaıtan óz serikterine: «týra jolǵa túsirilgen, barlyq nárse jetkilikti bolǵan hám árnárseden qorǵalǵan kisige qalaı tıispeksiń[5]», - deıdi», - dep táýekel etken pende Jaratqannyń qamqorlyǵy men qorǵany aıasynda júretindigin aıtqan.


[1] Tırmızı

[2] Zúmár súresi, 22-aıat

[3] Taha súresi, 124-aıat

[4] Nahyl súresi, 97-aıat

[5] Ábý Daýd

Muhammed Ibrahım

Pіkіrler Kіrý