TEK YQYLASPEN ISTELGEN AMAL ǴANA QABYL BOLMAQ
Bir sahaba Paıǵambarymyzǵa (s.a.ý.) kelip:
“Ári saýap, ári ataq úshin shaıqasqan adam jaıly ne aıtasyz?” dep suraıdy. Paıǵambarymyz (s.a.ý.): “Ol eshteńe ala almaıdy” deıdi. Sahaba sol saýalyn úsh qaıtalaı qoıady. Úsheýinde de Rasýlýllah (s.a.ý.): “Ol eshteńe ala almaıdy” deıdi. Sonan soń bylaı deıdi: “Rasynda Alla Taǵala tek yqylaspen jáne tek óz rızashylyǵy úshin istelgen amaldy qabyl alady”.
Paıǵambarymyz (s.a.ý.) aıtqan:
“Perishteler Alla Taǵalanyń quldarynyń biriniń amalyn alyp, ony artyq, ári yqylasty sanap Alla Taǵala qalaǵan jerge deıin kóteredi. Olarǵa bylaı ýahı bolady: “Sender qulymnyń amalyn tirkeýshi perishtelersińder. Al men qulymnyń júregindegini kóremin. Bul qulym istegen amalyn yqylaspen atqarmaǵan. Onyń atyn (jahannamdaǵy bir shuqyr) Sıjjınge túsetinderdiń qataryna jazyńdar”.
Perishteler basqa bir quldyń amalyn alady jáne ony jetkiliksiz, ári qunsyz dep sanaıdy. Alla Taǵala qalaǵan jerge deıin kóteredi. Olarǵa bylaı ýahı bolady: “Sender qulymnyń amalyn tirkeýshi perishtelersińder. Al men qulymnyń júregindegini de bilemin. Bul qulym istegen amalyn yqylaspen oryndaǵan. Onyń atyn Jánnatta joǵary mártebeli oryn Illıııınge baratyndardyń qataryna jazyńdar”.
Alı (k.ý.) bylaı degen: “Taqýalyqpen oryndalǵan amaldar az bolmaıdy. Alla Taǵala qabyl alǵan amaldyń az bolýy múmkin be?!”
Fádalá ıbn Ýbáıd (r.a.) aıtqan: Qysha dánindeı tıtteı de bolsa, Alla Taǵala qabyl alǵan amaldarymnyń dúnıedegi eń ardaqty is ekenin bilemin. Óıtkeni aıatta “Rasynda, Alla ózine tıisinshe taǵzym etetin hám qarsy kelmeıtin taqýa quldarynan ǵana qabyl alady” (Máıda súresi, aıat 27) degen.
