1 jylda 205 kásiporyn halal sertıfıkatyna ıe boldy (FOTO)
Halal standarttaý – Qazaqstan musylmandary dinı basqarmasynyń baqylaýyndaǵy mańyzdy salanyń biri.
QMDB janyndaǵy «Halal Damý» standarttaý jáne sertıfıkattaý ortalyǵy Densaýlyq saqtaý mınıstrligine qarasty «Ulttyq saraptama ortalyǵy» ShJQ RMK mekemesimen ekijaqty yntymaqtastyq ornatyp, ortaq kelisim aıasynda qyzmet etip keledi. Kelisim-shartqa sáıkes, zerthanalyq bazada ónim quramyn molekýlalyq-genetıkalyq turǵydan tekserý jumystary jolǵa qoıyldy.
Ortalyq osy ýaqytqa deıin 500-ge jýyq kásiporynǵa standarttaý jáne sertıfıkattaý jumystaryn júrgizip, kásiporyn ıelerine arnaıy kýálik tabystady. Al 2020 jyly «QMDB halal» tańbasyn alǵan kásiporyn sany 205-ke jetti. Sonymen qatar, 300-ge jýyq qasapshy biliktilikti arttyrý kýrsynan ótip, arnaıy kýálikke ıe boldy.
Aıta ketsek, osy jyly Bas múftı Naýryzbaı qajy Taǵanulynyń bastamasymen «Halal Damý» mekemesi janynan «Oqý ortalyǵy» ashyldy. Ortalyqtyń negizgi maqsaty – halal sertıfıkatyn alǵan mekeme qyzmetkerleriniń biliktiligin arttyrý.
Halyqqa halal ónimder týraly jan-jaqty aqparat berý maqsatynda www.halaldamu.kz saıtynyń jańartylǵan zamanaýı úlgisi jáne mobıldi qosymshasy iske qosyldy.
