1 jylda 47 034 dinı suraqqa jaýap berildi (FOTO)
Qazaqstan musylmandary dinı basqarmasynyń negizgi jumys baǵyttarynyń biri – halyqtan túsken dinı suraqtarǵa jaýap berý. Osy baǵytta bıyl Bas múftı Naýryzbaı qajy Taǵanulynyń bastamasymen Qazaqstan musylmandary dinı basqarmasynyń Ortalyq apparaty janynan Dinı aqparat ortalyǵy (call-center) ashylǵan bolatyn.
Aqparat ortalyǵynyń (call-center) nómiri – 33-30-30. Ortalyqqa Nur-Sultan qalasynyń kody arqyly telefon shalýǵa bolady. Ortalyqta din salasynyń bilikti mamandary táýlik boıy qazaq jáne orys tilindegi suraqtarǵa jaýap beredi. Dinı aqparat ortalyǵyna (call-center) bir táýlikte shamamen 50-60 suraq túsedi.
QMDB Sharıǵat jáne pátýa bóliminiń mamandary, qala jáne oblystardaǵy pátýaǵa jaýapty qyzmetkerler, sonymen qatar respýblıkalyq sall-ortalyǵy osy jyly jeke kezdesý, qońyraý shalý jáne áleýmettik jeli arqyly túsken 47 034 dinı suraqqa jaýap berdi.
