600 000 sırııalyq bala Túrkııada oqý bastady

600 myńnan astam sırııalyq bala Túrkııa memleketinde bilim alýdy bastady. «Anadoly» aqparat agenttigi habarlaǵandaı, Túrkııanyń Ulttyq bilim mınıstrligi 2016-17 oqý jyldarynan bastap sırııalyq bosqyndar balalaryn oqytýǵa arnalǵan baǵdarlama iske qosqan bolatyn.

Baǵdarlama aıasynda sırııalyq balalar memlekettik mektepterdiń birinshi, besinshi jáne toǵyzynshy synyptaryna qabyldanyp keledi. Al, basqa synyptarda oqıtyn balalar ýaqytsha ortalyqtarda bilim alyp, aldymen túrik tilin meńgerip shyǵýlary tıis. Tek sodan soń ǵana olardy memlekettik mektepterge qabyldaıtyn bolmaq.

2018 jyldyń qyrkúıek aıynda Túrkııa aýmaǵynda turatyn mektep jasyndaǵy sırııalyq balalardyń sany 1,047 mıllıon ekeni anyqtalǵan. Qazirgi ýaqytta Túrkııa Ulttyq bilim mınıstriligi sırııalyq balalardy oqytýdyń satyly kezeńine aıaq basyp otyr. Osylaısha, 2018 jyldyń 8-maýsymynan bastap 610 278 sırııalyq oqýshylar túrik mektepterinde bilim alýlaryn qaıta jalǵastyrdy.