«Ábý Bákir as-Syddyq» meshiti ashyldy (FOTO)
QMDB Tóraǵasy, Bas múftı Naýryzbaı qajy Taǵanuly Almaty aımaǵyna jumys saparynda Talǵar aýdanynda ornalasqan Ábý Bákir as-Syddyq meshitiniń ashylýyna qatysty.
Bas múftı jańa meshittiń lentasyn qıyp, Alla úıin turǵyzýǵa sebepker bolǵan barsha azamattarǵa alǵys aıtty.
«Meshit turǵyzý – saýapty is. Ásirese qasıetti Ramazan aıynda jasalǵan jaqsy ister, saýapty amaldar eselene túsedi. Osy meshittiń ashylýyna sebepker bolǵan azamattarǵa Alla razy bolsyn! Jańa meshitimizden jamaǵat úzilmesin», – dedi Naýryzbaı qajy Taǵanuly.
Jańa meshitke ardaqty Paıǵambarymyzdyń (oǵan Allanyń salaýaty men sálemi bolsyn) izbasary, musylmandardyń alǵashqy halıfasy hazireti Ábý Bákir as-Syddyqtyń esimi berildi.
Bas múftı Ábý Bákir as-Syddyq meshitinde jamaǵatpen birge namaz oqyp, qasıetti aıdyń nyǵmetteri jaıynda ýaǵyz-nasıhat aıtty.
