«Adamnyń adamshylyǵy ustazdan»
Naýryzbaı qajy TAǴANULY,
Qazaqstan musylmandary dinı basqarmasynyń tóraǵasy, Bas múftı
Qurmetti ustazdar!
Nur-Múbarak ýnıversıtetinde, Imamdardyń bilimin jetildirý ınstıtýtynda, medrese-kolledjde, meshit janyndaǵy dinı saýat ashý kýrsynda aıanbaı eńbek etip kele jatqan barsha din qyzmetkerlerin búgingi ustazdar kúnimen shyn júrekten quttyqtaımyn.
Alla Taǵala saýapty isterińizdiń jemisin kórýdi násip etkeı. Denińizge saýlyq, otbasyńyzǵa amandyq, urpaq tárbıesindegi ulaǵatty isterińizge bereke tileımin!
«Adamnyń adamshylyǵy ustazdan» dep Hákim Abaı aıtqandaı, boıyna parasattylyq pen baısaldylyq, danalyq pen kórkem minez qalyptastyra bilgen nemese óz salasynda belgili bir jetistikke jetken kez kelgen tulǵa ustaz tárbıesin alyp, tájirıbe jınaıdy. Ómirdiń osy bir ǵıbratty sátteri árkez jalǵasa bermek. Óıtkeni, ustazdyq etý – óz ýaqytyńdy aıamaý. Allaǵa unamdy isterdiń barlyǵyna mol saýap jazylady. Solardyń ishinde adam tárbıeleýdiń mańyzy úlken. Tárbıe isi – abyroıly jumys.
Asyl dinimiz Islamda paıdaly bilim alýdyń máni erekshe. Tipti, musylman er men áıelge bilim alý – paryz. Dinimizde bilim alýdyń mańyzy joǵary bolsa, hıkmetti, ıaǵnı danalyq ilimin úırenýdiń de orny aıryqsha.
Paıǵambarymyz Muhammed (oǵan Allanyń salaýaty men sálemi bolsyn) bir hadısinde: «Bilim men hıkmet musylmandardyń joǵaltqan qazynasy, qaı jerden tapsa da ıemdenip alsyn», – degen.
Bilim men hıkmet – úlken nyǵmet. Bul hadısten osy nyǵmetti ıemdenip alýǵa eń áýeli musylman balasy laıyqtyraq ekenin ańǵaramyz.
Bir hadıste: «Adam qaıtys bolǵanda amal dápteri jabylady. Myna úsh kisiniń ǵana saýaby jalǵasa beredi: artynan duǵa joldaıtyn ıgi urpaq qaldyrǵan, el ıgiligine jaraıtyn dúnıe saldyrǵan, artyna ilim qaldyrǵan adam» delingen.
Artyna ilim qaldyrǵan adam úshin shákirti árdaıym duǵa jasap, jaqsylyq tilep júredi. Sondaı azamattardyń qatary kóbeısin dep tileımiz.
Alla Taǵala barsha ustazdarǵa jar bolyp, izgi amaldarynyń saýabyn eselep jazǵaı. Ámın!
