ÁL-AZHARDA QAZAQ QARILARYNYŃ QURAN IJAZASYN ALÝ RÁSIMI ÓTTI

15 aqpan 2023 2042 0
Оqý rejımi

Mysyr memleketindegi áıgili ál-Azhar ýnıversıtetinde bilim alatyn qazaq qarılarynyń sany artýda. Kúni keshe qarı shákirtterdiń Quran Kárimnen ıjaza alý rásimi ótti.

Saltanatty sharaǵa Dinı basqarmanyń Mysyr Arab Respýblıkasyndaǵy turaqty ókili Rýslan Serǵazıev, sondaı-aq qazaq qarılaryn ıjazaǵa oqytqan 10 qyraǵat ıesi, ál-Azhar doktory Samı Hamıd Ramazan, Ýaqyp mınıstrligine qarasty «Osman» meshitiniń bas ımamy sheıh Ahmad Abdýrahman qatysty.

«Shetelderdegi  dinı oqý oryndarynda resmı joldamamen baryp bilim alyp jatqan Qazaqstan stýdentterin Dinı basqarmamyz nazardan tys qyldyrmaı, stýdentterimizge jan-jaqty qoldaý kórsetip, baǵyt-baǵdar berip, júıeli bilim alýǵa múmkindik jasaýy nátıjeli bolýda. QMDB Tóraǵasy, Bas múftı Naýryzbaı qajy Taǵanulynyń 2022 jyly ıjaza ortalyǵyn ashý týraly sheshimi oń nátıje berip, ál-Azharda oqyp júrgen stýdentter de fıqh, hadıs, aqıda, tápsir bilimderimen qatar Quran Kárimdi tolyq jattap, bilikti maman bolyp elge oralýǵa umtylýda. Byltyr bir stýdet ıjaza alǵan bolsa,  bıyl olardyń  sany altaýǵa jetip otyr» dedi Rýslan Amantursynuly.

Jaýapty ókil qazaq stýdentterin ıjazaǵa oqytqan ustazdarǵa alǵys bildirip, qarılardy quttyqtady. Sondaı-aq ál-Azhar doktory, Nur-Múbarak ýnıversıtetinde 3 jyl ustazdyq qylǵan Mýhammad Amın arnaıy qatysyp, stýdentterge jyly lebizin bildire kele, qasıetti Quran oqýdyń, ony jattaýdyń saýaby men mańyzy jaıynda nasıhat aıtty.

Aıta keteıik, Orynbaı Áset, Táńirbergen Erdáýlet, Raıymbek Janábil, Ryshan Darhan, Sabyrjan Ibrahım men Alıhan Qarasaıuly Quran Kárimdi tolyq jattap, 10 qyraǵat ıesi, doktor Samı Hamıd Ramazan jáne «Osman» meshitiniń bas ımamy sheıh Ahmad Abdýrahmannan ıjaza aldy.

Pіkіrler Kіrý