Ál-azharmen qarym-qatynas artady (FOTO)
Búgin Almatyda Qazaqstan musylmandary dinı basqarmasynyń Tóraǵasy Naýryzbaı qajy Taǵanuly áıgili ál-Azhar sheıhynyń orynbasary Muhammed Abdýrahman Dýanımen kezdesti.
Kezdesýde Qazaqstan jáne Mysyr elderi arasyndaǵy tarıhı-mádenı, rýhanı baılanysty arttyrý máselesi sóz boldy.
«Allaǵa shúkir, Qazaqstan jáne Mysyr arasyndaǵy baılanys jyl sanap artyp keledi. Jýyrda Mysyrǵa barǵan saparymda ál-Azhar sheıhy Ahmet Taıyppen kezdestim. Ál-Azhar sheıhyna Qazaqstanǵa bólinetin bilim granty sanyn eki ese kóbeıtýdi usyndym. Sonymen qatar Qazaqstanda salynatyn Islam akademııasyn, Islam jáne teologııa kitaphanasyn klassıkalyq dinı kitaptarmen qamtamasyz etýdiń mańyzdylyǵyn baıandadym.
Ál-Azhar ýnıversıtetiniń sheıhy bul usynysty qoldaıtynyn, Qazaqstan úshin bólinetin bilim granty eki ese ulǵaıatynyn málimdedi. Sonymen qatar Islam akademııasy men Islam jáne teologııa kitaphanasyna qajetti klassıkalyq baǵyttaǵy kitaptardy jetkizip berýge ýáde etti. Osy sátti paıdalanyp mártebeli Ahmet Taıyp myrzaǵa taǵy da aıryqsha alǵysymdy jetkizemin» dedi Bas múftı Naýryzbaı qajy Taǵanuly.
