«Ál-Farabı» kitaphanasynda «múftııat» rýhanı-tanymdyq buryshy ashyldy (FOTO)
Búgin Shymkent qalalyq «Ál-Farabı» atyndaǵy ǵylymı-ámbebap kitaphanasynda «Múftııat» rýhanı-tanymdyq, ımandylyq buryshy ashyldy.
Igi sharaǵa Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly, Apparat basshysy Ǵylymbek Jádigeruly, Aqparat jáne qoǵammen baılanys bóliminiń meńgerýshisi Marat Dálelhanuly, QMDB-nyń «Zeket jáne qaıyrymdylyq» qorynyń dırektory Talǵat Omarov jáne Shymkent qalasynyń bas ımamy Baqdaýlet Abdrahmanov qatysty.
Aldymen mártebeli qonaqty «Ál-Farabı» atyndaǵy qalalyq ǵylymı-ámbebap kitaphanasynyń dırektory Dáýren Áýelhanuly kitaphandaǵy ońdy ózgerister týraly baıan etip, Ál-Farabıdiń ómiri men eńbek jolynan syr shertetin shaǵyn mýzeı jumysymen tanystyrdy. Osydan keıin Bas múftı Naýryzbaı qajy Taǵanulynyń qatysýymen atalǵan kitaphanadan «Múftııat» rýhanı-tanymdyq ımandylyq buryshynyń ashylýy ótti. Aıta ketsek, atalmysh ımandylyq buryshyna QMDB tarapynan sarapataýdan ótken kitaptar qoıyldy.
Jalpy kitaphanada 400 myńnan astam kitap qory bar.
