Ál-Farabıdiń 1150 jyldyǵyna arnalǵan merekelik shara ótti (FOTO)
Shyǵystyń ǵulama oıshyly, matematık, astrolog, mýzyka teoretıgi, adamzat tarıhynda Arıstotelden keıingi ekinshi ustaz atanǵan Ábý Nasyr ál-Farabıdiń 1150 jyldyq mereıtoıy Nur-Múbarak ýnıversıteti stýdentterin baqyt jaıly oılanýǵa jeteledi.
Tárbıe isteri jáne áleýmettik damý departamenti men Kitaphana ujymy uıymdastyrǵan arnaıy sharada stýdentter ǵulamanyń «Baqyt fılosofııasy» haqynda beınerolık ne usynylymda qamtýy tıis boldy. Osyǵan oraı túsken jobalarǵa ýnıversıtettiń Akademııalyq máseleler departamentiniń dırektory fılosofııa ǵylymdarynyń kandıdaty, dintanýshy ári farabıtanýshy Jalǵas Sandybaev bastaǵan qazylar alqasy saraptama jasap, jeńimpazdardy anyqtady.
Onlaın júıesinde ótken qorytyndy saltanatta uly oıshyl eńbekterinen kitap kórmesi uıymdastyrylyp, jeńimpazdarǵa arnaıy dıplom men qundy kitaptardan syı-syıapat jasaldy. Jeńimpaz Erkin Estaı M.Áýezovtyń «Abaı joly» roman-Epopeıasynyń 4 tomyn ıelense, Sulýhan Jarımbetova ál-Farabıdiń tańdamaly traktattaryn, al Mádı Tólbasy «Arabsha-qazaqsha sózdikke» ıe boldy.
«ál-Farabı eńbekteri ýnıversıtet kitaphanasynyń qundy qorynan oıyp oryn alady. Bul bıylǵy aıtýly kezeńge saı uıymdastyrylǵan saıys bizdiń stýdentterdiń tanymyn keńeıtip, shyǵarmashylyǵyn shyńdaı túskenine kýá boldyq»,-deıdi kitaphana meńgerýshisi Altyn Toqan hanym.
Iıa, IýNESKO kóleminde ótken ál-Farabı babamyzdyń 1150 jyldyq mereıtoıy elimizde Prezıdent Q.Toqaevtyń arnaıy Qaýlysymen resmı túrde júıeli ótip jatty. Osyndaı ıgi iske Nur-Múbarak ýnıversıteti de belgili deńgeıde ún qosty deýge bolady.
