Almaty qalasynyń bas ımamy taǵaıyndaldy (FOTO)

Búgin Bas múftı Naýryzbaı qajy Taǵanulynyń buıryǵymen Tólebı Ospan Almaty qalasynyń bas ımamy bolyp taǵaıyndaldy.

Bas múftı buıryǵyn naıb múftı Ershat Ońǵarov jamaǵatqa oqyp berip, osyǵan deıin Almaty qalasynyń bas ımamy qyzmetin atqarǵan Erkinbek Shoqaıǵa Naýryzbaı qajy Taǵanulynyń ıgi tilegi men iltıpatyn jetkizdi.

Aıta ketsek, Tólebı Ospan osyǵan deıin Aqtóbe oblysynyń bas ımamy boldy.

Tólebı Dádiluly Ospan 

1981 jyly dúnıge kelgen
 
Bilimi:
1997-1999 jyldary Shymkent qalasyndaǵy «Darýl Arqam» quran kýrsynda Quran jattaǵan.
2000-2002 jyldary Almaty qalasyndaǵy Islam Instıtýtyna qarasty Qarılyq bóliminde bilim alǵan.
2000-2005 jyldary Ońtústik Qazaqstan Ashyq ýnıversıteti «Fılologııa» fakýltetiniń «Qazaq tili jáne Ádebıeti» mamandyǵyn bitirgen.
2009 jyly Túrkııa Respýblıkasynyń Bolý qalasynda 2 aılyq ımamdardyń bilimin jetildirý kýrsynan ótti.
2012 jyldyń naýryz-qyrkúıek aılarynyń arasynda Túrkııanyń Ystambul qalasynda dinı biliktigin arttyrǵan.
2011-2013 jyldary «Nur Múbárak» Egıpet Islam mádenıeti ýnıversıtetiniń «Dintaný» fakýltetin támamdaǵan.
2016-2018 jyldary «Shet tilder jáne iskerlik karera» ýnıversıtetiniń «Dintaný» mamandyǵy boıynsha gýmanıtarlyq ǵylymdar magıstri ataǵyn alǵan.
 
Eńbek joly:
- 2002-2003 j.j. Almaty oblysy, Talǵar aýdany, Qyzyl-Qaırat aýylynyń bas ımamy.
- 2003-2005 jyldary QMDB-nyń tóraǵasy, Bas múftı kómekshisi.
- 2005-2006 jyldary Astana qalasyndaǵy «S.Ǵylmanı» meshitiniń naıb ımamy.
- 2006-2016 jyldary aralyǵynda Elordadaǵy «Nur Astana» ortalyq meshitiniń naıb ımamy.
- 2016 jyldyń 6 mamyrynan bastap búginge deıin QMDB-nyń Aqtóbe oblysy boıynsha bas ımamy jáne «Nur Ǵasyr» oblystyq ortalyq meshitiniń bas ımamy qyzmetin atqarǵan.
 
Biliktilikti arttyrý kýrstary:
- 2005 jyly Tatarstan Respýblıkasy, Qazan qalasynyń 100 jyldyǵyna oraı ótken halyqaralyq Quran jarysyna qatysyp, arnaıy dıplommen marapattalǵan.
- 2012 jyly 21-23 mamyr aralyǵynda L.N.Gýmılev atyndaǵy Eýrazııa ulttyq ýnıversıtetinde «Zaıyrly memleket jáne din» taqyrybyndaǵy
memlekettik organdardyń dinı saladaǵy qyzmetkerleri men dinı birlestik ókilderiniń biliktiligin arttyrýǵa arnalǵan 3 kúndik kýrsqa qatysqan.
- 2015 jyly 17-19 aqpan aralyǵynda QR Prezıdentiniń janyndaǵy memlekettik basqarý akademııasynda «Qazaqstan-2050» Strategııasy: ulttyq birlik pen qoǵamdyq kelisim tabysty damýdyń negizi retinde» atty 42 akademııalyq saǵat kóleminde biliktilikti arttyrý respýblıkalyq semınar-trenıngine qatysty.
- 2017 jyly 20-24 qarasha aralyǵynda QR Din isteri jáne azamattyq qoǵam mınıstirligi, «Din máseleleri jónindegi ǵylymı-zertteý jáne taldaý» ortalyǵy uıymdastyrǵan «Qazaqstan Respýblıkasynyń din salasyndaǵy memlekettik saıasatynyń negizgi qyrlary» atty memlekettik qyzmetkerler men dintaný jáne ıslamtaný mamandyǵynyń oqytýshylaryna arnalǵan 40 saǵattyq oqytý semınaryna qatysqan.
- 2020 jyly QR Lańkestik jáne Esktremızım máselelerin zertteý ortalyǵy uıymdastyrǵan «Din máseleleri boıynsha aqparattyq-túsindirý toptarynyń múshelerin daıarlaý jáne qaıta daıarlaý» atty oqytý kýrsyna qatysty.
 
Marapattary:
2010 jyly Astana qalasynda ótken Qazaqstan musylmandary V quryltaıynyń uıymdastyrý jumystaryna atsalysqany úshin, 2011, 2015 jyldary Astana qalasyndaǵy dinı is-sharalar men úgit-nasıhat jumystaryna belsene aralasqany úshin Bas múftı alǵys hatymen marapattalǵan.
2011 jyly Astana qalasy, Esil aýdanynyń 3 jyldyq mereı toıyna oraı aýdan ákimi Q.Jańabergenovtyń «Qurmet madaqtamasymen» marapattalǵan.
2016 jyly QR Táýelsizdiginiń 25 jyldyǵyna oraı, memlekettik-konfessııalyq qatynastardy damytýǵa jáne qoǵamdaǵy dinaralyq tatýlyqty nyǵaıtýǵa qosqan úlesi úshin QR DIAQM, Din Isteri komıtetiniń alǵys hatymen marapattaldy.
2018 jyly Astana qalasynda ótken Eýrazııa musylman ǵulamalarynyń forýmynyń uıymdastyrý jumystaryna atsalysqany úshin Bas múftı alǵys hatymen marapattalǵan.
2018 jyly Aqtóbe oblysynda terrorızm men dinı Ekstremızmge qarsy kúres baǵytynda ozyq tájirbıesi men tabandylyǵyn tanytyp jáne halyqtyń qaýipsizdigin qamtamasyz etý salasyndaǵy belsendi qyzmeti úshin Aqtóbe oblysy ákimi B.Saparbaevtyń alǵys hatymen marapattaldy.
2020 jyly «Qazaqstan halqy Assambleıasyna 25 jyl» merekelik medalimen nagrattaldy.
2020 jyly 9 jeltoqsan kúni «Qazaqstan musylmandary dinı basqarmasyna 30 jyl» merekelik medalimen marapattaldy.
 
Qosymsha málimetter:
QR Jýrnalıster odaǵynyń múshesi. Aqtóbe oblystyq din isteri basqarmasy janynan qurylǵan Din máseleleri jónindegi oblystyq aqparattyq-túsindirý tobynyń múshesi.

Otbasyly, 3 qyz, 1 uly bar.

​