Almatyda búginnen bastap jamaǵat namazdary ýaqytsha oqylmaıdy

Almaty qalasynyń óńirlik kommýnıkatsııalar qyzmetiniń uıymdastyrýymen Epıdemıologııalyq jaǵdaı boıynsha «qyzyl» aımaqqa kóshýdi eskere otyryp, qaladaǵy dinı obektilerdiń jumys máselesi jaıynda onlaın brıfıng ótti.

Onlaın basqosýda qala turǵyndary arasynda SOVID-19 koronavırýstyń ınfektsııasynyń (budan ápi – C0VID-19) taralýynyń aldyn alý maqsatynda Almaty qalasynyń Bas memlekettik sanıtarııalyq dárigeri Jandarbek Bekshınniń 2021 jyldyń 10 naýryzdaǵy №9 qaýlysynda kelgen dinı obektilerdiń jumys máselesi talqylandy.   

Brıfıngke Almaty qalasy ákimdiginiń qyzmetkerleri, Almaty qalasy din isteri basqarmasy basshysynyń orynbasary Erǵalı Kósheke, Almaty qalasynyń bas ımamy Erkinbek Shoqaı jáne qalalyq BAQ ókilderi qatysty.

Eń aldymen sóz alǵan Almaty qalasy din isteri boıynsha Basqarmasy basshysynyń orynbasary Erǵalı Kósheke qalanyń Bas memlekettik sanıtarııalyq dárigeriniń qaýlysy 13 naýryzdan bastap kúshine enetinin jetkizip, qala turǵyndaryn barynsha saqtyq sharalaryn saqtaýǵa shaqyrdy. Sondaı-aq, karantındik talaptar boıynsha qaladaǵy dinı obektilerde ujymdyq ic-sharalardy ótkizýge tyıym salynatynyn aıtty.

Al Almaty qalasynyń bas ımamy Erkinbek Shoqaı pandemııalyq jaǵdaıǵa baılanysty qala meshitterinde ýaqytsha jamaǵat namazdary oqylmaıtynyn, onyń ornyna karantındik talaptardy saqtaı otyryp jekelegen qulshylyqtardy óteýge bolatynyn aıtty. Meshitke kelýshi jamaǵattyń betperde taǵý, antıseptık qoldaný, dene qyzýynyń 37 gradýstan joǵary bolmaýy, namaz oqýdaǵy araqashyqtyqty saqtaý syndy meshitke kirip-shyǵý erejelerine toqtaldy. Sonymen qatar bas ımam qala turǵyndaryn Allanyń uly nyǵmeti – densaýlyqqa jiti kóńil bólýge, syndarly sáttegi el taǵdaryna alańdaǵan oń sheshimderge túsinistikpen qarap, elmen birge bar qıyndyqty eńserýge, saqtyq sharalaryn saqtaýǵa shaqyrdy. 

MEShITKE KELÝShILERGE QOIYLATYN KARANTIN TALAPTARY MEN SAQTYQ ShARALARY

- Meshitterde jamaǵatpen (bes ýaqyt namaz, juma namazy, taraýyq namazy) namazdar oqylmaıdy;

- Dene qyzýy 37⁰-den joǵary, sondaı-aq tumaý jáne basqa da aýrý belgileri bar adamdar meshitke kelmeýi kerek;

- Meshitke kelýshiler temperatýra ólsheıtin arnaıy termometr (teplovızor) arqyly tekserilýi qajet;

- Meshitke kirýden aldyn antıseptıkalyq quraldardy paıdalaný qajet;

- Meshit ımamdary jáne meshitke kelýshiler mindetti túrde betperdemen júrýi kerek;

- Meshit ishinde uzaq ýaqyt qalmaý qajet. Meshitte bolý uzaqtyǵy – 15 mınýt;

- Meshitte jamaǵat bir-birimen qol alyspaý qajet;

- Meshitke kelýshilerdiń araqashyqtyǵy 2 metr bolýy kerek;

- Meshit dárethanalaryn qoldaný barysynda araqashyqtyqty jáne santıtarlyq talaptardy saqtaýy tıis;

- Meshitterde aýa almasý júıesi jaqsy júrý úshin esikterdi ashyp, jeldetip turý qajet;

- Namaz oqıtyn, Quran baǵyshtaıtyn, neke qııatyn zaldarǵa kúndelikti zalalsyzdandyrý jumystaryn júrgizý qajet.