Aqparat jáne qoǵamdyq damý mınıstri oraza aıynyń kirýimen quttyqtady
Aqparat jáne qoǵamdyq damý mınıstri Aıda Balaeva elimizdiń barsha musylman qaýymyn qasıetti Oraza aıynyń kirýimen quttyqtady.
«Ramazan – izgilik pen parasatqa, rýhanı jańarý men tazarýǵa úndeıtin, ótkennen qalǵan ókpe-renishterden arylyp, qaıyrymdy ister jasaıtyn mezgil. Ókinishke qaraı, bıylǵy Ramazan aıynda da pandemııa jaǵdaıy saqtalyp tur. Osy oraıda, azamattarymyzdy sanıtarlyq-Epıdemıologııalyq norma talaptaryn saqtaýǵa jáne Múftııattyń usynymdaryn oryndaýǵa shaqyramyn. Qaýipti indetti jeńip shyǵý úshin aýyzbirlik pen sabyr, tártip pen tózim qajet» dedi mınıstr.
Sondaı-aq Aıda Ǵalymqyzy «Qasıetti aıda tutqan orazalaryńyz, jasaǵan izgi amaldaryńyz, tilegen duǵa-nıetterińiz qabyl bolsyn» deı kele elimizdiń barsha musylman qaýymynyń denine saýlyq, otbasyna amandyq, baq-bereke tiledi.
