Aqtóbe: Imamdar men jamaǵat Oıyl men Qobdaǵa kómek jetkizdi
QMDB Aqtóbe oblystyq ókildigi meshitteriniń ımamdary men jamaǵaty sý tasqynynan zardap shekken Oıyl jáne Qobda aýdandarynyń aýyldaryna gýmanıtarlyq kómek jetkizip jatyr.
Aqtóbe oblysynyń bas ımamy Serikjan Enshibaıuly bastap barǵan QMDB «Zeket jáne qaıyrymdylyq» qory men «Ýaqyp» qorynyń jaýapty ókilderi, «Sadaqa Bereke» qaıyrymdylyq qory, oblystaǵy meshit ımamdary men Aqtóbe jamaǵaty dalada qalǵan halyqty tikushaqpen kóshirýge járdemdesti.
Sý zardabyn kórgen halyqqa azyq-túlik, as-sý, kıim-keshek, jatyn ornyna qajetti kórpe-tósek, balalar men áıelderge qajetti jabdyqtar, tazalyq quraldary, jylytý quraldary jáne t.b. kóptegen kómekter jetkizdi. Gýmanıtarlyq kómektiń ekinshi kúninde ımamdar 1 mıllıon 382 391 teńge qarajat jınap, azyq-túlik apardy. Odan ózge de basqa zattar aparyldy.
