«Ár-Rahman» meshiti de «Qaıyrymdy juma» aktsııasyna úles qosty (FOTO)
Qazaqstan musylmandary dinı basqarmasynyń bastamasymen iske qosylǵan «Qaıyrymdy juma» aktsııasy qazirgi tańda elimizdiń túkpir-túkpirinde qyzý jalǵasyn taýyp keledi. Kúnderdiń sultany bolǵan jumanyń qadir-qasıetin ulyqtaı túsý maqsatynda bul kúni kóptegen qulshylyq ordalary qaıyrymdylyq sharasyn uıymdastyryp, jergilikti muqtaj otbasylarǵa qýanysh syılaýda.
Igi jobaǵa QMDB Nur-Sultan qalasy ókildigine qarasty qulshylyq ordalary belsene atsalysyp keledi. Buǵan deıin «Qaıyrymdy juma» aktsııasy birneshe meshit boıynsha uıymdastyrylǵan bolatyn. Búgingi jumada osy ıgi dástúrge «Ár-Rahman» meshiti de ózindik úles qosyp, 50-ge jýyq muqtaj otbasyǵa azyq-túlik sómkeleri taratyldy.
Meshit bas ımamy Rýslan Naqypbekulynyń uıytqy bolýymen meshit qyzmetkerleri men jamaǵaty azyq-túlik sómkelerin muqtaj otbasylardyń úılerine deıin jetkizip berdi.
