Arab tilin jeńil úıretetin jańa toptama jaryqqa shyqty (FOTO)

Búgingi tańda arab tiliniń qoǵam arasyndaǵy qadiri qaıta artyp kele jatqany barshamyzǵa aıan. Qudaı sózi – Quran túsken tildi meńgerýdiń mańyzdylyǵyn túsingenderdiń talaby da ýaqyt sanap kóterilip kele jatqandaı. Qubylaǵa bet túzep namazǵa tursańyz da, ata-baba rýhyna baǵyshtap, qatesiz qyraǵatpen Quran oqyǵyńyz kelse de  – halqymyz aıtpaqshy, aldymen arabsha til syndyryp, «álipti taıaq dep» tanýdan bastaıtynymyz anyq.

Osy oraıda, elimizdiń rýhanııat kitaphanasy taǵy bir paıdaly dúnıemen tolyǵyp otyr. Jaqynda ǵana jaryq kórgen Arab tiliniń álipbıinen grammatıkasyna deıin úıretýge arnalǵan kitaptar toptamasy (10 kitap) oqyrmanyn ońaı jol usynyp, túrli qosymshalarmen eliktire túskendeı. Oqý baǵdarlamasyna sáıkes arnaıy ázirlengen 159 vıdeosabaq pen Andriod, App Store platformalaryndaǵy qosymshalar arqyly alǵan bilimdi bekitýdiń tıimdi joldary usynylǵan. 

Kitaptar toptamasy Qazaqstan musylmandary dinı basqarmasy men Din isteri komıtetiniń oń maquldaýyn alǵan.