ASTANA QALASYNYŃ BAS IMAMY ÁR ISTE ShYNAIY BOLÝǴA ShAQYRDY

Astana qalasynyń bas ımamy Nurbek qajy Áýeshanuly Nura aýdanyna qarasty «Ál-Fáttah» meshitiniń din qyzmetkerlerimen kezdesý ótkizdi.

Jıyn barysynda bas ımam din qyzmetindegi shynaıylyq pen yqylastyń mańyzyna erekshe toqtalyp, árbir istiń Alla razylyǵy úshin atqarylýy qajet ekenin aıtty. Ol meshitke kelgen árbir adamdy Allanyń qonaǵy retinde qabyldap, olardyń muqtajyna beıjaı qaramaýdyń mańyzyn atap ótti.

«Únemi aıtatynym – meshitke kelgen ár adam Allanyń qonaǵy. Ol beker kelgen joq, áıteýir bir muqtajdyǵy bar. Sondyqtan ár adamnyń qajetin óteýge, qolymyzdan kelse qýandyryp jiberýge tyrysaıyq. Ár isimizde shynaıylyq bolý kerek. Jasandylyqtan ada, shynaıy yqylaspen qyzmet etsek, Alla Taǵala saýabyn eselep beredi», – dedi Nurbek qajy Áýeshanuly.

Kezdesý barysynda jamaǵatpen jumysty jandandyrý, dinı saýat ashý dáristerin kúsheıtý jáne jastarǵa dástúrli ıslam qundylyqtaryn kórkem nasıhat arqyly jetkizý máseleleri sóz boldy. Sondaı-aq qazirgi qoǵamda túrli dinı aǵymdardyń yqpaly kúsheıip turǵan kezeńde ımamdardyń bilimdi, sabyrly ári danalyqpen qyzmet etýiniń mańyzdylyǵy aıtyldy.

Nurbek qajy Áýeshanuly áleýmettik jelidegi jumystyń sapasyna da toqtalyp, motıvatsııalyq beınerolıkter men nasıhattyq kontentterde qoǵamǵa paıdaly oılar kóbirek kórinis tabýy kerektigin eskertti. Ásirese, otbasylyq qundylyqtardy dáripteý, qoǵamǵa úmit pen izgilik syılaıtyn mazmundaǵy nasıhattardy kóbeıtý kerektigin atap ótti.

Sondaı-aq qala bas ımamy meshit jamaǵatymen júzdesip, besin namazyn júrgizdi. Jamaǵatqa júrek tazalyǵy, yqylas pen kórkem minezdiń mańyzy týraly nasıhat aıtty. Kópshilikpen el amandyǵy men berekesi úshin duǵa-tilekter jasaldy.

Источник: Aisha