ASTANA QALASYNYŃ BAS IMAMY TÚZETÝ MEKEMESINDE ÝAǴYZ-NASIHAT JÚRGIZDI (FOTO)
Astana qalasynyń Bas ımamy Erbolat Júsipov elordaǵa qarasty «Arshaly» eldimekeninde ornalasqan túzetý mekemesinde jazasyn ótep jatqan azamattarmen kezdesý ótkizdi.
Kezdesýdiń maqsaty – jazasyn óteýshilerdiń rýhanı dúnıetanymyn keńeıtý, ómirge degen kózqarasyn túzetý jáne qoǵamǵa qaıta beıimdelýine qoldaý kórsetý.
Qala Bas ımamy kezdesý barysynda azamattarǵa táýbe men keshirimniń máni, sabyr men izgi amaldyń artyqshylyǵy, sondaı-aq otbasy, qoǵam aldyndaǵy jaýapkershilik jóninde nasıhat júrgizdi.
«Ár adam ómirinde túrli synaqqa tap bolýy múmkin. Mańyzdysy – sol qıyndyqtardan durys qorytyndy shyǵaryp, túzelýge umtylý. Alla árdaıym shynaıy nıetpen túzelgisi kelgen qulyn qoldaıdy», – dep atap ótti Erbolat Nuryldauly.
Kezdesý mazmundy ótti. Azamattar kókeılerindegi suraqtaryn qoıyp, ómirlik baǵyt-baǵdar alýǵa múmkindik aldy. Is-shara sońynda qatysýshylar uıymdastyrýshylarǵa alǵystaryn bildirdi.
