ATYRAÝDA ERIKTILER BÓGET SALÝ JUMYSTARYNA ATSALYSTY (FOTO)

Qazaqstan musylmandary dinı basqarmasynyń «Zeket jáne qaıyrymdylyq» qory janyndaǵy «Qaıyrymdylyq jarshysy» eriktiler toby men meshit jastary Bereke aýylyndaǵy Jaıyq jaǵasyna bóget salý jumystaryna qatysty.

Bóget salý jumystaryna Atyraý oblysynyń Bas ımamy Altynbek Utyshanuly men qala ımamdary qolǵabys etti.

«Qıyn kezeńderde birlik-yntymaǵamyzdy kórsetý maqsatynda eriktiler bolyp qyzmet etýdemiz. Alla elimizdi qaýip-qaterden saqtasyn. Kúsh biriktirip jumyla jumys jasaýdyń nátıjesinde sý apatynyń aldyn alamyz degen úmittemiz», - dep atap ótti Atyraý oblysynyń Bas ımamy Altynbek Utyshanuly.

Jaǵa bekitý jumystaryna meshit janynan 100-ge jýyq erikti atsalysty.

Aıta ketsek, óńirdegi tótenshe jaǵdaıǵa baılanysty qaladaǵy sý kelý qaýipi bar aımaqtarda barlyq meshit ımamdary men eriktileri kúni-túni jumys isteýde.

​