Atyraýda núkteli kezdesýler men jeke yqpal etý is-sharasy bastaldy (FOTO)
Atyraý oblysynda Bas múftı Naýryzbaı qajy Taǵanulynyń bastamasymen núkteli kezdesýler men jeke yqpal etý is-sharasy bastaldy. Qazaqstan musylmandary dinı basqarmasy janynan qurylǵan jumys toby ózine júktelgen jaýapty mindetke kiristi.
Oblystyq «Imanǵalı» meshitinde jumys tobymen kezdesken Bas múftı Naýryzbaı qajy Taǵanuly: «Dinı basqarmanyń negizgi jumystarynyń biri – destrýktıvti dinı aǵymdy aldyn alý jáne bilmestikpen adasqan azamattardyń dinı kózqarasyn ońaltý. Atyraý oblysyndaǵy dinı ahýaldy eskerip, núkteli kezdesýler men jeke yqpal etý is-sharasyn osy óńirden bastap otyrmyz. Bul bastamamyz nátıjeli bolady dep senemin. Alla Taǵala yjdahatpen atqaratyn is-sharalarymyzǵa bereke násip etsin», – dedi.
Aıta ketsek, jumys tobymen kelgen elimizge belgili ǵalym-ustazdar – Arman Qýanyshbaev, Rızabek Battaluly, Batyrjan Mansurov, Sansyzbaı Shoqanov, Ǵazız Ahmetov, Qanat Alshynbaevtar jamaǵatpen júzdesip, erkin suhbattasyp, suraqtaryna jaýap bermek.
