Atyraýda Quran jattaý jáne Dinı saýat ashý ortalyǵy ashyldy (FOTO)
Búgin Atyraý qalasynda Bas múftı Naýryzbaı qajy Taǵanulynyń qatysýymen Quran jattaý jáne dinı saýat ashý ortalyǵy ashyldy.
Ortalyqtyń ashylý saltanatty rásiminde Naýryzbaı qajy Taǵanuly: «Allanyń qalaýymen táýelsizdigimizdiń arqasynda elimizde záýlim meshitter men medreseler salynýda. Osy ortalyqtan elimizdiń rýhanı órkendeýine súbeli úles qosatyn tulǵalar shyǵady dep senemin. Qurandy jattaǵan, oǵan amal etken urpaq Otanyna opasyzdyq jasamaıdy. Biz – qarıyn qadirlegen, oǵan qurmet kórsetken halyqpyz. Alla Taǵala osy ortalyqtan Qurandy tolyq jattaǵan qarılardyń shyǵýyn násip etsin. Ardaqty Paıǵambarymyz Muhammed (oǵan Allanyń salaýaty men sálemi bolsyn) aıtqandaı, adamdardyń eń jaqsysy – Qurandy úırenip, ony ózgege úıretkender. Qarılar eń áýeli Allanyń qurmetine bólenedi. Onyń panasynda bolady. Hadısterdiń birinde: «Aqıqatynda Qurandy jatqa biletin musylmandar Alla Taǵalanyń panasynan basqa pana bolmaıtyn kúni paıǵambarlar men tańdaýly pendelermen birge Onyń panasynda bolady» delingen. Bul – úlken nyǵmet ári jetistik.
Alla osy ǵımarattyń ashylýyna úles qosqan azamattardyń ıgi isine mol saýaptan jazǵaı» dedi.
Igi is-sharada Bas múftı ǵımarattyń salynýyna úles qosqan Erlan Talǵatulyna rızashylyq bildirip, alǵys hatpen marapattady. Sonymen qatar ortalyq ujymyna óziniń syılyǵyn tabystady.
Aıta ketsek, «Imanǵalı» meshitine qarasty Quran jattaý jáne dinı saýat ashý ortalyǵynda bir mezette 30 adam tálim alady. Ǵımaratta ashana, jataqhana, ustazdar bólmesi, qonaq bólmesi jáne dárishana bar.
