Áıel-qyzdar sektory aqpan aıynda 396 is-shara ótkizdi (FOTO)

QMDB Ýaǵyz-nasıhat bólimine qarasty Áıel-qyzdar sektorynyń uıytqy bolýymen aqpan aıynda respýblıka boıynsha 396 is-shara ótti.

Atap aıtqanda, «Otbasy», «Bala tárbıesi», «Erli-zaıyptylar arasyndaǵy baılanys», «Ájeler tárbıesi», «Quran Kárimdi oqyp úırený» taqyryptarynda 145 onlaın dáris ótip, 56 oflaın formatta nasıhat aıtylsa, qolóner, aspazdyqqa úıretetin 85 is-shara ótti.

Sondaı-aq qoǵamdyq baǵyt boıynsha 110 is-shara, onyń ishinde otbasynyń qundylyqtaryn saqtaý taqyryptarynda dóńgelek ústelder, semınarlar, destrýktıvti dinı aǵymdardyń aldyn alý boıynsha ustazdar arasynda úlken semınar ótip, kópbalaly otbasylarǵa azyq-túlik jetkizildi jáne qaıyrymdylyq jármeńkeleri, keıbir muqtaj jandarǵa qys aıynda kómir túsirip kómektesý aktsııalary uıymdastyryldy.

Aýyr dertke shaldyqqan áıel kisilerdiń, balalardyń emderine qaıyrymdy jandardy tartý arqyly qarjylaı kómek kórsetildi. «Jýsan» operatsııasymen elge oralǵan jáne teris aǵymǵa boı aldyrǵan destrýktıvti kózqarastaǵy qyz-kelinshektermen suhbat júrgizildi.