Áıelderge arnalǵan semınar-trenıng ótti (FOTO)
Qazaqstan musylmandary dinı basqarmasy ǵımaratynda «Halal Damý» mamandarynyń uıymdastyrýymen «Áıel – otbasynyń berekesi» semınary ótni.
Onlaın jáne oflaın formatta ótkizilgen semınarda QMDB Nur-Sultan qalasy boıynsha Áıel-qyzdar sektorynyń ókili, «Áziret Sultan» meshitiniń ustazy Dınara Nurǵalıeva, «Halal Damýdyń» bas-sarapshy tehnology Aıjan Omarova, sarapshy-tehnolog Araıgúl Baqytqyzy, tehnolog Aızat Sataeva dáris júrgizdi.
Bilikti de bilimdi, óz kásibiniń sheberleriniń basyn qosqan dáriske elimizdiń 19 óńiri boıynsha meshit jamaǵaty, áıel ustazdar men óńir boıynsha halalǵa qyzyǵýshylyq tanytqan barsha tutynýshylar qatysýǵa múmkindik aldy.
Otbasynyń uıytqysy, oshaqtyń otyn sóndirmeı, úıdiń berekesin keltiretin áıel zatyna artylǵan saýapty da jaýapty is. Otaǵasynyń mańdaı terimen tapqan as-aýqaty men dúnıe-múlkin, qarajatyn ornymen jumsap, adal iske úılestire jaratý – áıel adamnyń mindeti. Osy oraıda úıge ákeletin azyq pen dastarqanǵa qoıylatyn taǵamnan bastap, balalary men jubaıynyń, kelgen qonaǵyna deıin adal as usyný úshin áıel adamǵa halal jóninde az da bolsa bilim kerek. Elimizdegi kúlli musylmandar men qarapaıym áıel tutynýshylarǵa paıdaly bilim berý maqsatymen uıymdastyrylǵan semınarda halal ónimder tehnologııasy, E taǵamdyq qospalar, halal medıtsına, dári-dármek, halal dıeta tóńireginde sóz qozǵaldy.
Kele jatqan qasıetti Ramazan aıynyń qurmetine oraı uıymdastyrylǵan semınar aldaǵy ýaqytta marafon úlgisinde jalǵasady.
