«Áziret Sultan» meshitinde ájelerge qurmet kórsetildi (FOTO+VIDEO)

Búgin, qasıetti juma kúni respýblıkalyq «Áziret Sultan» meshitinde qarııalarǵa qurmet kórsetilip, arnaıy shara uıymdastyryldy. 1 qazan – Qarttar kúnine oraı ótken shara barysynda QMDB Áıel-Qyzdar sektorynyń Nur-Sultan ókildigi boıynsha jaýapty mamany, «Inabat» klýbynyń jetekshisi Nurǵalıeva Dınara Qutqojaqyzynyń uıytqy bolýymen 20 qarııaǵa gúl shoqtary taratylyp, ulttyq sýsynymyz qymyz úlestirildi.

Dınara Qutqojaqyzy jıylǵan jamaǵatqa izgi tilegin bildirip, búgingi merekemen quttyqtady. Áıelder qaýymynyń qadir-qasıeti men qoǵamda, otbasynda alar orny men atqarar róli týrasynda nasıhat aıtyp, júrekjardy lebizin jetkizdi.

Shara sońynda ózderine kórsetilgen syı-qurmet úshin alǵystaryn bildirip, ájeler qaýymy batalaryn jaýdyrdy.