«ÁZIRET SULTAN» MEShITINDE RESPÝBLIKALYQ QURAN JARYSYNYŃ JEŃIMPAZDARY QURAN HATYM JASAIDY (FOTO)

23 naýryz 2023 2697 0
Оqý rejımi

Búgin elimiz boıynsha taraýıh namazy oqylyp, qasıetti Ramazandy asyǵa kútken musylman jamaǵaty ulyq aıǵa qadam basty. Allanyń jerdegi úıi - meshit ataýly bul túni jamaǵatqa lyq tolyp, quptan namazynan keıin Ramazan rámizderiniń biri - taraýıh namazynda sap túzedi.

Astana qalasyndaǵy «Áziret Sultan» meshiti de bul túni jamaǵatqa lyq tolyp, qasıetti Ramazan aıynyń berekesimen qaýyshty. Orazanyń qadir-qasıetin pash etken Paıǵambar (s.ǵ.s.) hadısteri men Quran ilingen bannerler jamaǵatqa Ramazan shýaǵyn sezindirip ári kerekti maǵlumattarǵa qanyqtyra túskendeı. Sondaı-aq, qala bas ımamy Erbolat Nuryldaulynyń da ýaǵyzy jamaǵatqa ulyq aıdyń qasıetin uǵyndyryp, kóptegen aqparatqa qanyqtyrdy. 

Qala bas ımamy namaz aldynda bıylǵy Ramazan aıynda «Áziret Sultan» meshitinde Quran hatym túsiretin qarılardy tanystyrdy. Aıta keteıik, bıylǵy jyly «Áziret Sultan»  meshitindegi taraýıh namazdaryn Respýblıkalyq Quran baıqaýynyń jeńimpazdary ótkizetin bolmaq.

Olardyń eń jasy Qýanysh Nurlanuly (16 jasta) Respýblıkalyq Quran jarysynda 2018 jyly 10 para boıynsha, 2020 jyly 20 para boıynsha jeńimpaz atanǵan. 1 qyraǵat boıynsha ıjaza alǵan. 

Sondaı-aq, Qyzylorda qalasynda ótken sońǵy Quran baıqaýynyń bas júldesin enshilegen Imanáli Beıbituly da «Áziret Sultan» jamaǵatyn Allanyń sózine uıytyp, taraýıh namazdaryn ótkizetin bolady. 

Ramazan aıynda arnaıy shaqyrylǵan úshinshi qarı Dýlat Bolatbekuly «Áziret Sultan» meshitiniń jamaǵatyna tipten tanys dese de bolady. 2015 jyly 13 jasynda VI Quran baıqaýynyń jeńimpazy atanǵan Dýlat sol jyly «Áziret Sultan» meshitinde Quran hatym jasaǵan bolatyn. Odan beri ózin shyńdaı túsken Dýlat Bolatbekuly 2016 jyly Indonezıda ótken Álemdik Quran jarysynda 3-oryn alsa, 2019 jyly Túrkııada 1-oryn alyp, Altyn belgi ıelengen.


Источник: Aidos

Pіkіrler Kіrý