«Áziret Sultan» meshitinde Sıra dáristeriniń qorytyndysyna arnalǵan saıys ótti

Elordadaǵy «Áziret Sultan» meshiti qabyrǵasynda qyz-kelinshekterge arnalǵan Sıra, ıaǵnı Paıǵambarymyzdyń (ﷺ) ónegeli ómir jolyn tanytatyn dárister óz máresine jetti.

Atalǵan dáris áıel ustazdardyń belsendi atsalysýymen joǵary deńgeıde uıymdastyrylyp, qatysýshylardyń dinı tanymyn keńeıtip, ımanı tárbıesin nyǵaıtýǵa úlken úles qosty.

Osy ıgi istiń qorytyndysy retinde shákirtterdiń alǵan bilimin saralap, bekitý maqsatynda arnaıy saıys uıymdastyryldy. Tanymdyq ári tárbıelik máni zor bul is-sharaǵa Astana qalasy Áıel-qyzdar sektorynyń jetekshisi Kúlsara Mamyrqyzy bastaǵan meshit ustazdary, aq jaýlyqty analar jáne bilimge qushtar qyz-kelinshekter qatysty.

Saıys barysynda qatysýshylar Sıra taqyryby boıynsha túrli suraqtarǵa jaýap berip, óz bilimderi men daıyndyq deńgeılerin kórsetti. Sonymen qatar, rýhanı taqyryptaǵy oı bólisýler men áserli pikirler aıtylyp, jıynǵa erekshe maǵyna men mazmun berdi. Úzdik nátıje kórsetken qatysýshylar marapattalyp, ustazdar barsha qatysýshyǵa alǵys bildirdi.

Sýretter tolyǵyraq «Fotogalereıa» aıdarynda

Источник: Aisha