Balalardy meshitke shaqyrýdyń tyń tásilin qoldanysqa engizdi

Mysyr elinde jas balalardy meshitke shaqyrýdyń tyń tásili qoldanysqa engizilip otyr. Ál-Beheıra okrýgindegi Damanhýr qalasynda ornalasqan Nasserode meshitiniń ımamdary 10 men 14 jas aralyǵyndaǵy jasóspirimder arasynda Alla úıin kóbirek zııarat etý saıysyn uıymdastyrǵan eken. Bir qyzyǵy, balalardy qyzyqtyra túsý úshin meshit ımamdary saıys qorytyndysy boıynsha qarjylaı júlde belgilegen.

Saıys sharty boıynsha, kimde-kim 40 kún boıy tań namazyna úzbeı qatysatyn bolsa, 55 dollar kóleminde syıaqy alatyn bolady.

Meshit ımamy Mýhammed Alıamnyń aıtýynsha, bul saıystyń ótkizilýine meshitke kelýshi jamaǵattyń biri muryndyq bolǵan kórinedi. Igi bastama kótergen álgi jan saıysqa qajetti qarjyny da óz moınyna alǵan eken.