BARLYQ MEShITTER AÝLASYNDA JUMA NAMAZY OQYLADY
Bas memlekettik sanıtarııalyq dárigerdiń «Qazaqstan Respýblıkasynyń halqy arasynda koronavırýstyq ınfektsııa aýrýnyń aldyn alý jónindegi sharalardy odan ári kúsheıtý týraly» 2021 jylǵy 2 qyrkúıektegi №38 Qaýlysyna sáıkes osy aptada elimizdiń barlyq meshitteri aýlasynda juma namazyn oqýǵa ruqsat berildi.
Buryn habarlaǵanymyzdaı, QMDB-ǵa qarasty 19 ókildiktiń beseýinde ǵana juma namazyn oqý ýaqytsha toqtatylǵan bolatyn. Jańa qaýlyǵa sáıkes endi elimizdiń barlyq óńirinde juma namazy meshit aýlasynda oqylady.
Bas memlekettik sanıtarııalyq dárigerdiń qaýlysynda bul jaıly: «Meshitter, pravoslavıe shirkeýleri jáne basqa da dinı obektiler aýmaǵynda ujymdyq dinı is-sharalardy (onyń ishinde «juma namazy», kúndelikti pravoslavıelik duǵalar jáne basqalaryn) ashyq aýada ótkizý maska rejımi men bir adamǵa keminde 4 metr esebinen áleýmettik qashyqtyq saqtalǵan kezde júzege asyrylady» delingen.
Qaýlyda shekteý is-sharalaryn, onyń ishinde karantındi engizý kezeńinde dinı obektilerdegi sanıtarııalyq-dezınfektsııalyq rejımge qoıylatyn talaptar da kórsetilgen. Atap aıtqanda, meshitterde bir ret qoldanylatyn medıtsınalyq maskalardyń jetkilikti qorymen, sondaı-aq qoldy óńdeýge arnalǵan dezınfektsııalyq sýlyqtarmen, teri antıseptıkterimen, dezınfektsııalaý quraldarymen qamtamasyz etýdi uıymdastyrý, dinı obektilerde personal men dinı qyzmetshilerdiń maskalar kııýin qamtamasyz etý mindettelgen.
Sondaı-aq ǵıbadat úılerine (qurylystaryna) kirýge mindetti túrde maska bolǵan jaǵdaıda ruqsat etiledi. Ǵıbadat úılerinde namaz oqý bir adamǵa 4 metrden kem emes eseppen qashyqtyqty saqtaý kezinde júzege asyrylady.
